ރައީސް ޑރ މުހައްމަދު މުއިއްޒު ހަތަރުވަނަ އިންޓަރނޭޝަނަލް ކޮންފަރެންސް އޮން ސްމޯލް އައިލެންޑް ޑިވެލޮޕިން ސްޓޭޓްސްގެ ރިޔާސަތު ބަލަހައްޓަވައިދެއްވައިފިއެވެ.
ރައީސް އޮފީހުން މައުލޫމާތު ދީފައިވާގޮތުން ރައީސް ޑރ މުއިއްޒުވަނީ އެންޓީގާ އެންޑް ބާބިއުޑާގައި ކުރިއަށް ގެންދާ ސިޑްސް ކޮންފަރެންސްގެ ބައްދަލުވުމެއްގައި ރިޔާސަތު ބަލަހައްޓަވާފައެވެ. އަދި އެމަނިކުފާނު އެ މަސައްކަތްތައް ކުރެއްވީ ކޮންފަރެންސްގެ އެއް ނައިބުރައީސްގެ ހައިސިއްޔތަތުންކަމަށް ހިއްސާކޮށްފައިވާއިރު، ކުރިއަށް ގެންދިޔައީ ޕްލެނަރީ ސެޝަންއެއްކަމަށްވެސް ބުނެފައިވެއެވެ.
ޗާރޓިންގ ދި ކޯސް ޓުވަރޑްސް ރެޒިލިއެންޓް ޕްރޮސްޕެރިޓީ” ގެ ތީމްގެ ދަށުން ކުރިއަށްދާ މި ކޮންފަރެންސްގައި ކުދި ގައުމުތަކާއި ގުޅުން ހުރި ބިނާކުރަނިވި ހައްލުތަކާއިމެދުވެސް މަޝްވަރާތައްކުރިވެފައިވާކަމަށްވެސް ބުނެފައިވާއިރު، ރައީސް މުއިއްޒުވަނީ މި މަސައްކަތްތައް ފެށުމުގެ ގޮތުން ކުރިއަށް ގެންދިޔަ ރަސްމިއްޔާތުގައިވެސް ބައިވެރިވެވަޑައިގެންފައިކަމަށްވެސް ބުނެފައިވެއެވެ. އަދި ރައީސް މުއިއްޒުވަނީ ސިޑްސްގެ ޤައުމުތަކުން އިސްނަގައި، ކުދި ޖަޒީރާ ޤައުމުތަކަކީ އުފެއްދުންތެރިކަމާއި ވިލުންތެރިކަމުގެ މިސާލެއްގެ ގޮތުގައި ދައްކަންޖެހޭ ކަމަށްވެސް ވިދާޅުވިއެވެ.
ރައީސް އޮފީހުން ބުނެފައިވާގޮތުން ރައީސް ޑރ މުއިއްޒު ގެންދަވަނީ މަހާސިންތާއަށް ހާޒިރުވެވަޑައިގެން ތިއްބެވި ގައުމުތަކުގެ އިއްޒަތްތެރިންނާއި ބައްދަލުކުރައްވަމުންކަމަށްވެސް ހާމަކޮށްފައިވާއިރު ދެމެހެއްޓެނިވި ތަރައްގީއަށް ހުރި ފުރުސަތުތަކުގެ މައްޗަށްވެސް އަލިއަޅުއްވާ މަޝްވަރާތައް ކުރެވިފައިވާކަމަށް ބުނެފައިވެއެވެ.
advertisment