20 ވަނަ މަޖިލީހަކީ މިހާތަނަށް ދެކުނު އެންމެ އިތުބާރުހިފޭ މަޖިލީހަށް ވެގެންދިއުމަށް އުންމީދުކުރައްވާކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.
ރައްޔިތުންގެ މަޖިލީހުގެ މެމްބަރުން ހުވާކުރެއްވުމާއިއެކު ރައީސް މުއިއްޒުވަނީ އެމަނިކުފާނުގެ އެކްސް އެކައުންޓު މެދުވެރިކޮށް މެމްބަރުންނަށް ތަހުނިޔާ އަރިސްކުރައްވާފައެވެ. އަދި އެމަނިކުފާނުގެ އުންމީދަކީ ރާއްޖޭގެ ވެރިކަމުގެ ހަޔާތުގައި މިހާތަނަށް ފެނިގެންދާ އެންމެ ޒިންމާދާރު މަޖިލީހަށް ޕީއެންސީގެ މެޖޯރިޓީ އޮތް 20 ވަނަ މަޖިލިސް ވެގެންދިއުންކަމަށެވެ.
ރައީސް ވިދާޅުވީ، 20 ވަނަ މަޖިލީހަކީ މިހާތަނަށް ފެނުނު އެންމެ އިތުބާރު ހިފޭ ދައުރަށް ވެގެންދިއުމަށްވެސް އުންމީދުކުރައްވާކަމަށެވެ. އަދި މެމްބަރުން ގައުމާއި ރައްޔިތުންނަށް އެންމެ މަންފާހުރި ކަންކަން ނިންމާ މަޖިލީހެއް ފެނިގެންދިއުމަށްވެސް އެދޭކަމަށް ހާމަކުރެއްވިއެވެ.
advertisment