އެއާޕޯޓުގައި ކާރަކާއި ޕިކަޕެއް ޖެހި އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލު ވިދާޅުވީ، އެކްސިޑެންޓް ހިނގާފައިވަނީ މިއަދު ހެނދުނު 09:45 ހާއިރު ކަމަށެވެ. އެގޮތުން އެކްސިޑެންޓު ހިނގާފައިވަނީ ކާރު ގޮސް ރޯޑް ޑިވައިޑަރތަކާއި ވޭނެއްގައި ޖެހުމަށްފަހު، ޕިކަޕެއްގެ ފަހަތުގައި ޖެހިގެންކަމަށް ފުލުހުން މައުލޫމާތު ދެއެވެ.
އެއާޕޯޓުގައި ކާރަކާއި ޕިކަޕެއް ޖެހި އެކްސިޑެންޓެއް ހިނގުމާ ގުޅިގެން ފުލުހުން ސީންގައި ޙަރަކާތްތެރިވެފައިވާ ކަމަށެވެ.
މި އެކްސިޑެންޓުގައި ކާރު ދުއްވަން އިން މީހާއަށް އަނިޔާވެގެން ފަރުވާދިނުމަށް ހުޅުމާލޭ ހޮސްޕިޓަލަށް ގެންގޮސްފައިވާކަމަށްވެސް ފުލުހުން މައުލޫމާތު ދެއެވެ.
މީގެ އިތުރުން، ކާރުގެ ފަހަތުގައި އިން މީހާއަށް އަނިޔާވެގެން އެއާޕޯޓް ކްލިނިކްގައި ފަރުވާދީފައިވާކަމަށްވެސް ފުލުހުން މައުލޫމާތު ދެއެވެ. ނަމަވެސް އޭނާއަށް ސީރިއަސް އަނިޔާއެއްވެފައި ނުވާކަމަށްވެސް ފުލުހުން މައުލޫމާތު ދެއެވެ.
މި އެކްސިޑެންޓުގެ މައްސަލަ ފުލުހުން ދަނީ ތަހުގީގު ކުރަމުންނެވެ.
