2028 ގެ ރިޔާސީ އިންތިހާބުގައި ވާދަކުރުމަށް ރައީސް ޑރ. މުހައްމަދު މުއިއްޒަށް ޕީއެންސީގެ ކޮންގްރެސްގައި އަރުވައިފި އެވެ.
ސޯޝަލް ސެންޓަރުގައި ހަތަރު ދުވަހަށް ބަހާލައިގެން ކުރިޔަށް ގެންދިޔަ ޕީއެންސީގެ މަތީ މަޖިލިސް ކޮންގްރެސްގައި ވަނީ ރައީސް މުއިއްޒަށް ވެރިކަމުގެ ދެވަނަ ދައުރަކަށް ވާދަކުރެއްވުމަށް 2028 ގެ ޓިކެޓު އެރުވުމަށް ފާސްކޮށްފަ އެވެ.
މިރޭ ކޮންގްރެސް ނިންމާލުމަށް ބޭއްވި ރަސްމިއްޔާތުގައި ރަސްމީކޮށް ޓިކެޓު ރައީސް މުއިއްޒަށް ހަވާލުކޮށްދެއްވީ ޕާޓީގެ ޗެއާޕާސަން، ރައްޔިތުންގެ މަޖިލިސްގެ ރައީސް އަބްދުއްރަހީމް އަބްދުﷲ އެވެ. އަދި ދާއިރާތަކުގެ ހުރިހާ ރައީސުން ވެސް ވަނީ ބައިވެރިވެފަ އެވެ.
