ރާއްޖެ އައި ޗައިނާ ފަތުރުވެރިންގެ އަދަދު 300،000 އަށް ވުރެ މައްޗަށް އަރައިފިއެވެ. މިއީ މިއަހަރުގެ މިހާތަނަށް ރާއްޖެއައި ފަތުރުވެރިންގެ %19 އެވެ.
ފަތުރުވެރިކަމާއި ބެހޭ ވުޒާރާއިން އާންމުކޮށްފައިވާ އެންމެ ފަހުގެ ތަފާސްހިސާބުތަކުން ދައްކާ ގޮތުގައި ސެޕްޓެމްބަރު މަހުގެ 30 ވަނަ ދުވަހާއި ހަމައަށް ރާއްޖެއަށް ވަނީ 1،603،021 (އެއް މިލިއަން ހަސަތޭކަ ތިން ހާސް އެކާވީސް) ފަތުރުވެރިން ޒިޔާރަތްކޮށްފައެވެ. އޭގެ ތެރެއިން އެންމެ ގިނަ ފަތުރުވެރިން ޒިޔާރަތްކޮށްފައިވަނީ ޗައިނާއިންނެވެ.
ޗައިނާއިން މިއަހަރުގެ މިހާތަނަށް 300،977 (ތިންލައްކަ ނުވަސަތޭކަ ހަތްދިހަ ހަތްހާސް) ފަތުރުވެރިން ޒިޔާރަތްކޮށްފައިވާއިރު، ދެވަނައަށް އެންމެ ގިނަ ފަތުރުވެރިން ޒިޔާރަތްކޮށްފައިވަނީ ރަޝިއާއިންނެވެ. އެއީ 229،236 (ދެލައްކަ ނަވާވީސްހާސް ދުއިސައްތަ ތިރީސް ހަ) ފަތުރުވެރިންނެވެ. 119،968 (އެއްލައްކަ ނަވާރަހާސް ނުވަސަތޭކަ ފަސްދޮޅަސް އަށް ހާސް) ފަތުރުވެރިންނާއެކު ތިންވަނައަށް އެންމެ ގިނަ ފަތުރުވެރިން ޒިޔާރަތްކޮށްފައިވަނީ އިނގިރޭސިވިލާތުންނެވެ.
މިއަހަރުގެ މިހާތަނަށް 1،603،021 (އެއް މިލިއަން ހަސަތޭކަ ތިން ހާސް އެކާވީސް) ފަތުރުވެރިން ޒިޔާރަތްކޮށްފައިވާއިރު، މިދިޔަ އަހަރުގެ އެ މުއްދަތުގައި ރާއްޖެއަށް 1،659،031 (އެއް މިލިއަން ހަސަތޭކަ ފަންސާސް ނުވަ ހާސް އެއްތިރީސް އެއް) ފަތުރުވެރިން ވަނީ ޒިޔާރަތްކޮށްފައެވެ. އަދި 2024 ވަނަ އަހަރު ޒިޔާރަތްކޮށްފައިވަނީ 1،509،350 (އެއް މިލިއަން ފަސް ސަތޭކަ ނުވަ ހާސް ތިން ސަތޭކަ ފަންސާސް) ފަތުރުވެރިންނެވެ.
މިއަހަރު ރާއްޖެއަށް ޒިޔާރަތް ކުރި ފަތުރުވެރިންގެ އަދަދު މިދިޔަ އަހަރާއި އަޅާބަލާއިރު، 3.4 އިންސައްތަ ވަނީ ދަށްވެފައެވެ. މިއަހަރު ސަރުކާރުން ކަނޑައެޅި އަމާޒަކީ، 2.5 މިލިޔަން ފަތުރުވެރިން ރާއްޖެއަށް ގެނައުމަށެވެ.
