އެމްޑީޕީގެ ކޮންގްރެސްއަށް ހުށަހެޅި އިސްލާހުތަކަށް ވާހަކަ ދެއްކުމަށް ފުރުސަތު ދިނީ ހަމަހަމަ އުސޫލަކުންކަމަށް ޕާޓިގެ ޗެއާޕާސަން ރައީސް މުހައްމަދު ނަޝީދު ވިދާޅުވެއްޖެ އެވެ.
އެމްޑީޕީގެ ކޮންގްރެސްއަށް ޕާޓީގެ އަސާސީ ގަވައިދަށް ބޮޑެތި އިސްލާހުތައް ގެނައުމަށްޓަކައި ވަނީ ހުށަހަޅާފަ އެވެ. މި އިސްލާހުތައް ހުށަހެޅުއްވީ ޕާޓީގެ ކުރީގެ ޗެއާޕާސަން ފައްޔާޒް އިސްމާއީލެވެ.
އިތުރު އެހެން އިސްލާހުތައް ވެސް ފައްޔާޒް ހުށަހެޅުއްވި އިރު އޭގެ ތެރޭގައި ގައުމީ މަޖިލިސް އެކުލެވިގެންވާ ގޮތަށް ބަދަލު ގެނައުމާއި، ކޮންގްރެސްގައި ބައިވެރިވުމަށް ގޮފިތައް ހެދޭ ގޮތަށް އޮތް އުސޫލަށް ބަދަލު ގެނައުން ހިމެނެ އެވެ.
މި އިސްލާޙުތަކުގެ ބަހުސް ނިންމާލުމަށް ފަހު، ވޯޓަށް އިއުލާނު ކުރުމުން ބައެއް ކޮންގްރަސްމަނުން ވަނީ އަޑުގަދަކޮށް އިތުރު ފުރުސަތުތައް ދިނުމަށް ގޮވާލާފަ އެވެ. ނަމަވެސް ރައީސް ނަޝީދު ވިދާޅުވީ ވަގުތު ހަމަވީކަމަށާއި، ހުރިހާ މެމްބަރުންނަށް ފުރުސަތު ދެވިފައިވާކަމަށެވެ.
ރައީސް ނަޝީދު ވިދާޅުވީ ކޮންގްރެސްގެ ހުރިހާކަމެއް ކުރިޔަށް ދަނީ ހަމަހަމަ އުސޫލުންކަމަށެވެ. އަދި ބަހުސަށް ފުރުސަތު ދިނީ ވެސް ގަވައިދާއި އެއްގޮތަށް، އިންސާފުވެރިކޮށްކަމަށް ވިދާޅުވި އެވެ.
ކޮންގްރެސްއަށް ދެން ފައްޔާޒް ހުށަހެޅި އިސްލާހުތަކުގެ ތެރޭގައި ހިމެނެނީ، ޕާޓީ ތެރޭގައި ރަސްމީކޮށް ފެކްޝަން އުފައްދައިގެން މަސައްކަތް ކުރުން މަނާކުރުމެވެ. ގޮފިތަކަކީ ހަމައެކަނި ކޮންގްރެސްއަށް މީހުން ހޮވުމަށް ބޭނުން ކުރާ ވަސީލަތަކަށް ވާތީ، ގޮފިތައް އުވާލުމަށް ވެސް އިސްލާހުތަކުގައި ހިމެނެ އެވެ.
މީގެއިތުރުން ގައުމީ މަޖިލީހަށް އިންތިހާބަކާއި ނުލައި، މެމްބަރުން އިންތިހާބުވުން އުވާލުމަށް ހުށަހަޅާފައިވާއިރު، އޭގެ ތެރޭގައި ޕާޓީގެ ބޮޑެތި މަގާމުތައް ވެސް ހިމެނެ އެވެ. މި އިސްލާހުގެ ބޭނުމެއްކަމަށް ބުނެފައި ވަނީ، މެންބަރުންގެ މިނިވަންކަން ކަށަވަރުކުރުމާއި، މަޖިލީހަކީ މުޅިން އިންތިހާބީ ގޮތުން އެކުލެވިގެންވާ ގޮތްތެއްގެ ގޮތުގައި ބަދަލުކުރުމެވެ. އަދި ގައުމީ މަޖިލީހުގެ މެންބަރުންނަކީ ޕާޓީގެ އޮފީހުން މުސާރަ ނުވަތަ އިނާޔަތް ލިބޭ ބަޔަކަށް ވެގެން ނުވާނެކަމަށް ވަނީ ބުނެފަ އެވެ.
