މާދަމާ އަކީ ރަމަޟާން މަހުގެ 30 ވަނަ ދުވަސް ކަމަށާއި ޝައްވާލު މަހުގެ ފުރަތަމަ (ފިތުރު އީދު) ދުވަހަކީ އާދިއްތަ ދުވަސް ކަމަށް ކަނޑައަޅައިފިއެވެ.
ޝައްވާލު މަހުގެ ހަނދު ސާބިތު ކުރުމަށް ބޭއްވި ޖަލްސާގައި ހަނދާ ބެހޭ ބަޔާން އިއްވަމުން އިސްލާމިކް މިނިސްޓަރު ޑރ. އަހުމަދު ޒާހިރު ވިދާޅުވީ މިއަހަރުގެ ރަމަޟާން މަހުގެ 29 ވީ ހުކުރު ދުވަހުގެ އިރުއޮއްސުނުއިރު ރާއްޖޭގެ އެއްވެސް ހިސާބަކަށް އަދި އިސްލާމީ އެއްވެސް ގައުމަކަށްވެސް މި އަހަހަރުގެ ޝައްވާލު މަހުގެ ހަނދު ފެންމަތިނުވާކަން އިތުބާރުހުރި ފަލަކީ ހިސާބުތަކުން ކަށަވަރުކުރެވޭ ކަމަށެވެ. މީގެ އިތުރުން މިއަދުގެ އިރުއޮއްސުމަށް ފަހުވެސް ރާއްޖޭގެ އެއްވެސް ހިސާބަކަށް ހަނދު ފެނިފައިނުވާކަަމާއި އިސްލާމީ އެއްވެސް ގައުމަކަށްވެސް މިއަހަރުގެ ޝައްވާލު މަހުގެ ހަނދު ފެނުނުކަމަށް އިތުބާރު ހުރި ގޮތްތަކުން ހޯދިފައިވާކަމަށެވެ.
advertisment