ވޭތުވެ ދިޔަ 24 ގަޑިއިރުގެ ތެރޭގައި ކޮވިޑަށް ޕޮޒިޓިވް ވެގެން ރިޕޯޓު ކުރި މީހުންގެ އަދަދަކީ 12 ކަމަށް ނޭޝަނަލް އިމަޖެންސީ އޮޕަރޭޝަން ސެންޓަރުން ހާމަކޮށްފިއެވެ.
ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެންއީއޯސީގެ ތަރުޖަމާނު މަބްރޫކް އަޒީޒް ވިދާޅުވީ، ބަލި ޖެހުނު މީހުންގެ ތެރެއިން 11 މީހުން އެއީ ދިވެހިން ކަމަށެވެ. އަދި މީގެ ތެރެއިން 07 މީހުން އެއީ އެހެން ކްލަސްޓާތަކާއި ގުޅުން ހުރި މީހުންގެ ގޮތުގައި ވިދާޅުވިއެވެ. އަދި ބިދޭސީ މީހާއަކީ ވެސް ކަލަސްޓާއަކާއި ގުޅުން ހުރި މީހަކަށް ވާއިރު ބައްޔަށް ޕޮޒިޓިވް ވި އަނެއް 04 ދިވެހިންނަކީ އެހެން އެއްވެސް ކޭސްއަކާއި ގުޅުމެއް ނެތް އިންޑިޕެންޑެންޓު ކޭސްތަކެއް ކަމަށެވެ.
މަބްރޫކް ވިދާޅުވީ މި 12 މީހުން ފެނިފައިވަނީ ނެގި 800 އަށް ވުރެ ގިނަ ސާމްޕަލްގެ ތެރެއިން ކަމަށެވެ.