އައްޑޫ ސިޓީ އީކުއޭޓާރ ވިލެޖުގެ ކަރަންޓީނުގައި ހުރި މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
މީޑިއާތަކަށް މައުލޫމާތު ދެއްވަމުން ނޭޝަނަލް އިމަޖެންސީ އޮޕަރޭޝަންސް ސެންޓަރުގެ ތަރުޖަމާނު މަބްރޫކް އަޒީޒް ވިދާޅުވީ ބައްޔަށް ޕޮޒިޓިވް ވީ 65 އަހަރުގެ މީހެއް ކަމަށެވެ. އޭނާގެ ހާލު ރަނގަޅުކަމަށް މަބްރޫކް މައުލޫމާތު ދެއްވިއެވެ.
މަބްރޫކް ވިދާޅުވީ ބައްޔަށް ޕޮޒިޓިވް ވި މީހަކީ، މާލެއިން ކަރަންޓީން ފެސިލިޓީއަކަށް ދިޔަ މީހެއް ކަމަށެވެ. އޭނާއާ އެއް ކޮޓަރިއެއްގައި އޭނާގެ މާމަ އަންހެން ދަރިއަކު ވެސް ކަރަންޓީނު ކުރި ކަމަށާއި އެހެން ނަމަވެސް އޭނާގެ ބައްޔަށް ނެގެޓިވް ކަމަށް މަބްރޫކް ވިދާޅުވިއެވެ.
މިއީ އައްޑޫ އިން ކޮވިޑް-19 އަށް ޕޮޒިޓިވްވި ފުރަތަމަ މީހާ އެވެ.
advertisment