ކޮރޯނާ ވައިރަސް ފެތުރޭތީ އަޔަލެންޑްގެ ސްކޫލްތައް ބަންދުކޮށްފައި އޮތުމަށްފަހު އަލުން ސްކޫލްތައް ހުޅުވައިފި އެވެ.
އެއާއެކު ގިނަ އަދަދެއްގެ ދަރިވަރުން މިހާރު ވަނީ އެނބުރި ސްކޫލަށް ދާން ފަށައިފި އެވެ. ބެލެވޭ ގޮތުގައި ކުރިއަށް ދުވަސްތަކުގައި މިލިއަނެއްހާ ދަރިވަރުން އަލުން ސްކޫލަށް ދާނެ އެވެ.
ކޮރޯނާވައިރަހާ ގުޅިގެން އަޔަލެންްޑުން ސްކޫލްތައް ބަންދުކުރީ މިދިޔަ މާޗް މަހުގެ 12 ވަނަ ދުވަހު އެވެ.
ސްކޫލްތައް އަލުން ހުޅުވާފައިވަނީ ސާފުތާހިރުކަމަށް ވަރަށް ބޮޑަށް އިސްކަންދީގެން ރައްކާތެރިކަމުގެ ފިޔަވަޅުތަކާއެކު އެވެ.
އަޔަލެންޑުން 28،000 އަށް ވުރެ ގިނަ މީހުންނަށް ކޮވިޑް ޖެހިފައިވާއިރު ބަލީގައި 1700 އަށްވުރެ ގިނަ މީހުން ވަނީ މަރުވެފަ އެވެ.