ރާއްޖެއަށް މިހާރު ކުރަމުންދާ ވިއްސާރައިގައި އެކި ރަށް ރަށުގައި ހުރި ކޯޓުތަކަށް ތަފާތު ގެއްލުންތައް ލިބިފައިވާ ކަމަށް ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ބުނެފިއެވެ.
އެ ޑިޕާޓްމެންޓުން ކުރި ޓްވީޓެއްގައި ބުނީ މިދިޔަ ހޮނިހިރު ދުވަހުން ފެށިގެން، ރާއްޖެއަށް ކުރަމުންދާ ވިއްސާރައިގައި ރާއްޖޭގެ އެކި ސަރަޙައްދުގައި ހުރި ކޯޓުތަކަށް ތަފާތު ގެއްލުން ވެފައިވާކަމަށެވެ. އަދި އެ ގެއްލުންތައް މަރާމާތުކޮށް އެ ކޯޓުތައް ޢާއްމު ޙާލަތަށް ގެނައުމުގެ މަސައްކަތް ކުރަމުންދާކަމަށް ވަނީ ބުނެފައެވެ.
05 ސެޕްޓެންބަރުން ފެށިގެން، ރާއްޖެއަށް ކުރަމުންދާ ވިއްސާރައިގައި ރާއްޖޭގެ އެކި ސަރަޙައްދުގައި ހުރި ކޯޓުތަކަށް ވަނީ ތަފާތު ގެއްލުން ވެފައެވެ. އެ ގެއްލުންތައް މަރާމާތުކޮށް އެ ކޯޓުތައް ޢާއްމު ޙާލަތަށް ގެނައުމުގެ މަސައްކަތް މިގެންދަނީ ކުރަމުންނެވެ.
— Maldives Judiciary (@judiciarymv) September 6, 2020
ގަދަ ވަޔާއެކު ރާއްޖޭގެ އެކި ކަންކޮޅުތަކަށް ކުރަމުންދާ ވިއްސާރައި ގިނަ ރަށްތަކަށް ވަނީ އެކިވަރުގެ ގެއްލުންތައް ލިބިފައެވެ. އެގޮތުން އެ ގެއްލުންތަކަށް އެހީވުމުގެ މަސައްކަތް ފުލުހުންނާއި އެމްއެންޑީއެފުން އަންނަނީ ކުރަމުންނެވެ.
advertisment