ޖިންސީ އަނިޔާތަކަށް އައިޖީއެމްއެޗުގައި ފަރުވާ ހޯދަމުން ދަނިކޮށް ނިޔާވި، ގދ. ތިނަދޫ ތޭންކު، ޒިޔާދާ ނައީމްގެ މަރުގެ މައްސަލާގައި އޭނާގެ ފިރިމީހާ އިބްރާހީމް ޝާހު ތިން އަހަރަށް ޖަލަށްލާން ހައިކޯޓުން މިއަދު ކުރި ހުކުމަށް ޖެންޑާ މިނިސްޓްރީން މަރުހަބާ ކިޔައިފިއެވެ.
މި ކަމާއި ގުޅިގެން އެ މިނިސްޓްރީ އިން ނެރުނު ބަޔާނެއްގައި ބުނެފައިވަނީ އަނބިމީހާ ރޭޕް ކުރުމުގެ ކުށުގައި އަދަބު ދެވުމަކީ ދިވެހިރާއްޖޭގެ ޖިނާޢީ އަދުލުގެ ނިޒާމަށް ލިބިގެންދިޔަ ވަރަށް ބޮޑު ކުރިއެރުމެއް ކަމަށާއި، އަދި މިއީ އަންހެނުންގެ ޙައްޤުތައް ރައްކާތެރިކުރުމަށް އެޅިގެންދިޔަ ނުހަނު މުހިއްމު ފިޔަވަޅެއްކަމަށެވެ.
ޖެންޑާ މިނިސްޓްރީން ވަނީ ޕްރޮސިކިއުޓަރ ޖެނެރަލް ޝަމީމް އާއި ޕްރޮސިކިއުޓަރ ޖެނެރަލްގެ އޮފީހުގެ މުވައްޒަފުން، އަންހެނުންގެ ޙައްޤުތައް ރައްކާތެރިކޮށް، ޙިމާޔަތްކޮށް ދެމެހެއްޓުމަށްޓަކައި ކުރާ މަސައްކަތްތައް ބަލައިގަންނަ ކަން ފާހަގަކުރައްވާފައެވެ.
މިއަދު ޝާހުގެ ތިން އަހަރު ދުވަހަށް ޖަލަށް ލުމަށް ހައިކޯޓުން ހުކުމްކޮށްފައި ވަނީ، ޝާހުގެ މައްޗަށް ކުށް ސާބިތުނުވި މައްސަލަތައް ދައުލަތުން އިސްތިއުނާފް ކުރުމުން މިއަދު ހައި ކޯޓުގައި ބޭއްވި ޝަރީއަތުގައެވެ.
One Response
މީހަކަށް އަދަބެއް ލިބިއްޖެއްޔާ އުފާ ފާޅު ކުރާބަޔެއް މިނޫނީ ނުދެކެން ބަލަ އޭނާ އަންބިމީހާ ނެތީމަ ވެސް ކުޑަ އަދަބެއް ލިބުނީ !