މަޝްހޫރު ދީނީ އިލްމުވެރިޔާ ޑރ. ބިލާލް ޕިލިޕްސްގެ ހާލުކޮޅު ދެރަވެ، ހޮސްޕިޓަލްގައި އެޑްމިޓް ކޮށްފިއެވެ.
ޕިލިޕްސްގެ ރަސްމީ ފޭސްބުކް އެކައުންޓުން ކޮށްފައިވާ ޕޯސްޓެއްގައި ބުނެފައިވަނީ އޭނާގެ ހާލުކޮޅު ދެރަވެ، އިއްޔެގެ ވަގުތެއްގައި ހޮސްޕިޓަލުގައި އެޓްމިޓްކޮށްފައިވާ ކަމަށެވެ.
އެގޮތުން މިހާރު ބިލާލް އަށް އޮކްސިޖެން ދެމުންދާ ކަމަށާއި ގުލްކޯސްވެސް ގުޅާފައިވާ ކަމަށެވެ. އަދި މިހާރު އޭނާގެ ހާލުކޮޅު ރަނގަޅުވަމުން އަންނަ ކަމަށް އެ ޕޯސްޓުގައި ވެއެވެ.
މީގެ އިތުރުން މިއަދުގެ ވަގުތެއްގައި ބިލާލް ކޮވިޑަށް ޓެސްޓު ކުރެވޭނެ ކަމަށް ވެސް އެ ޕޯސްޓުގައި ވެއެވެ.
ޖެމެއިކާއަށް އުފަން ކެނެޑާގެ ރައްޔިތެއް ކަމަށްވާ ޑރ. ބިލާލް ފިލިޕްސް، 74، ވަނީ މީގެ ކުރިން ރާއްޖޭގައި ދީނީ ދަރުސްދެއްވާފައެވެ.
advertisment