ޓެކްސް އެޕީލް ޓްރައިބިއުނަލަށް މެންބަރުން އައްޔަނުކުރުމަށް ރައީސް އިބްރާހިމް މުހައްމަދު ސޯލިހު ފޮނުއްވި 9 ފަރާތްތަކާ ގުޅޭގޮތުން އާންމުންގެ ހިޔާލު ހުށައެޅުމަށް ހުޅުވާލައިފިއެވެ.
ޓެކްސް އެޕީލް ޓްރައިބިއުނަލަށް ކުރިމަތިލީ ނުވަ މީހުންގެ ނަން ރައީސް އިބްރާހިމް މުހައްމަދު ސޯލިހް މަޖިލިހަށް ފޮނުއްވީ މިއަދުއެވެ.
ރައީސް ފޮނުއްވި ނަންތައް:
ހަސަން ޒުހައިރު މުހައްމަދު، ގ. މާވާރުލު
ނަސްރުﷲ ޖަމީލް، ނަލަމަލަ/ ލ. މާވަށް
މުހައްމަދު މުނައްވަރު އަލީ، ވެސްޓްބީޗް/ އއ. މަތިވެރި ފާތިމަތު މިންހަތު އިއްޒަތު/ ގ. ގޮފި
އައިމިނަތު ފަރީޝާ، ވައިލެޓް ފެހި/ ގދ. ހޯނޑެއްދޫ
އިސްމާއިލް ސާޖިދު، މއ. ވިލާރޮދި
ހުސައިން ޒައިދާން ޖަލީލް، މ. ފާމުދޭރިގެ
އަހްމަދު ސަލާހު، އިރުވާކޮޅުގެ/ ތ.އޮމަދޫ
އަހްމަދު އަޝްރަފް/ ދަފްތަރު ރސ 4883
ރައީސް ސޯލިހް މަޖިލީހަށް ފޮނުއްވި ސިޓީގައި ވިދާޅުވެފައި ވަނީ، މެމްބަރުކަމަށް ހުޅުވާލުމުން ކުރިމަތިލީ ނުވަ މީހުން ކަމަށެވެ.
އެ ފަރާތްތަކާ ގުޅޭގޮތުން އާންމުންގެ ޝަކުވާއެއް ވާނަމަ، 15 ނޮވެންބަރު ވާ އާދީއްތަ ދުވަހުގެ 12:00ގެ ކުރިން ޝަކުވާ ހުށަހަޅާ ފަރާތުގެ ފުރިހަމަ ނަމާއި، ދާއިމީ އެޑްރެސް އަދި ގުޅޭނެ ފޯނު ނަންބަރު އެނގޭ ގޮތަށް ކޮމިޓީގެ އީ-މެއިލް އެޑްރެސް mv.gov.majlis@committeeއަށް ނުވަތަ ރައްޔިތުންގެ މަޖިލީހުގެ އިދާރާއަށް ލިޔުމުން ފޮނުވުމަށް މިހާރު ވަނީ ހުޅުވާލައިފައެވެ.
ޓެކްސް އެޕީލް ޓްރައިބިއުނަލް އެކުލެވިގެން ވަނީ ފަސް މެމްބަރުންގެ މައްޗަށެވެ.
advertisment