މި އަހަރުގެ ފުރަތަމަ ހަފުތާ ނިމިގެން ދިޔައިރު 20،612 ފަތުރުވެރިން ރާއްޖެއަށް ޒިޔާރަތްކޮށްފައިވާކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ޓޫރިޒަމް މިނިސްޓްރީން ނެރުނު ތަފާސްހިސާބުތައް ދައްކާ ގޮތުގައި ބުރާސްފަތި ދުވަހުގެ ނިޔަލަށް މިދިޔަ ހަތް ދުވަހުގެ ތެރޭގައި ރާއްޖެއަށް އެވްރެޖުކޮށް ދުވާލެއްގެ މައްޗަށް 2،000 އަށް ވުރެ ގިނަ ފަތުރުވެރިން ވަނީ ޒިޔާރަތްކޮށްފައެވެ.
ތަފާސްހިސާބުތައް ދައްކާ ގޮތުން މިހާތަނަށް އެންމެ ގިނަ ފަތުރުވެރިން އައިސްފައި ވަނީ އައީ ރަޝިއާއިންނެވެ. އެއީ 5،331 ފަތުރުވެރިންނެވެ. މިއީ މިހާތަނަށް އައި ފަތުރުވެރިންގެ 25.9 އިންސައްތަ އެވެ.
ދެ ވަނަ އަށް އެންމެ ގިނަ ފަތުރުވެރިން އިންޑިއާ އިން އައިސްފައި ވާއިރު އެ ގައުމުން މިހާތަނަށް 1،816 ފަތުރުވެރިން ވަނީ ޒިޔާރަތްކޮށްފަ އެވެ. ތިން ވަނައަށް އެންމެ ގިނަ ފަތުރުވެރިން ޔޫކްރޭނުން ފަތުރުވެރިން އައިސްފައި ވާއިރު ހަތަރުވަނައަށް އެންމެ ގިނަ ފަތުރުވެރިން އައީ ކަޒަކިސްތާނުންނެވެ.
advertisment