ސުއޭޒް ކެނަލްގައި ތާށިވެފައި އޮތް ކާގޯ ބޯޓު އެވާ ގިވެން ފުންކޮށްފިއެވެ.
ބޯޓު ފުންވެފައި ވަނީ މިއަދު ގިނަ އަދަދެއްގެ ޓަގް ބޯޓުތައް ބޭނުންކޮށްގެން ބޯޓު ފުންކުރަން ކުރި މަސައްކަތުންނެވެ.
މިއަދު ބޯޓު ފުންވެފައި މިވަނީ ބޯޓު ބީހިފައި ހުރީ ހިލަގަނޑެއްގެ މަތީގައި ކަމަށާޢި އެހެންކަމުން ބޯޓު އޮތް ސަރަހައްދުން ވެލި ނަގަމުން ދިޔަ ނަމަވެސް ބޯޓު ފުން ކުރަން ވަރަށް ބޮޑެތި ހުރަސްތަކެއް ކުރިމަތިވެފައި އޮތް ކަމަށް އިއްޔެ ސުއޭޒް ކެނަލް އޮތޯރިޓީން ބުނެފައި ވަނިކޮށެވެ.
ސުއޭޒް ކެނަލް ބަންދުވުމުން މިހާރު ވެސް ސުއޭޒް ކެނަލް ހުރަސް ނުކުރެވި 300 ބޯޓު އެބައޮތެވެ.