ރާއްޖެ އަންނަ ހުރިހާ ފަރާތްތަކުން ވެސް ޕީސީއާރް ނެގަޓިވް ޓެސްޓް ނަތީޖާ ގެންނަން ޖެހޭގޮތަށް ހަމަޖައްސައިފި އެވެ.
ޑިރެކްޓަރު ޖެނެރަލް އޮފް ޕަބްލިކް ހެލްތް މައިމޫނާ އަބޫބަކުރު ސޮއިކުރައްވާ ނެެރެފައިވާ އެންގުމެއްގައި ބުނެފައިވަނީ ރާއްޖެ އަންނަ މީހުން 96 ގަޑިއިރުނުވާ ކޮވިޑް ނެގެޓިވް ނަތީޖާ ގެންނަން ޖެހޭ ކަމަށެވެ. ނަމަވެސް އޭގެތެރޭގައި އެއް އަހަރުން ދަށުގެ ކުޑަކުދިން ނުހިމެނެއެވެ.
އެ އެންގުމަށް މެއި ތިންވަނަ ދުވަހުން ފެށިގެން އަމަލު ކުރަން ފެށުމަށް ވަނީ ނިންމާފައެވެ.
މިގޮތަށް ހަމަޖައްސާފައިމިވަނީ ރާއްޖެއިން ކޮވިޑަށް ޕޮޒިޓިވްވާ މީހުންގެ އަދަދު ރެކޯޑު އަދަދަކަށް ފެންނަން ފަށާފައިވާ ދަނޑިވަޅެއްގައެވެ. އެގޮތުން މިއަދުވެސް 465 ކޭސް ރާއްޖެއިން ފެނިފައިވެއެވެ.
