ގިނަ ބައެއްގެ ފާޑުކިޔުން އަމާޒުވެފައިވާ ޤާނޫނުލްއުޤޫބާތަށް ގެނެސްފައިވާ އިސްލާހުގެ ބިލާއި ދެކޮޅަށް ރާއްޖޭގެ 101 އިލްމުވެރިއަކު ތެދުވެ، ރައީސް އިބްރާހިމް މުހައްމަދު ސޯލިހަށް ޕެޓިޝަނެއް ފޮނުއްވައިފިއެވެ.
އިލްމުވެރިންގެ ޕެޓިޝަންގައި މިހާރު ރައްޔިތުންގެ މަޖިލީހަށް ހުށަހަޅާފައިވާ އެ ބިލުގެ ސަބަބުން މުޖުތަމައުގައި އިސްލާމް ދީނާ ދެކޮޅަށް ހިންގާ ބޮޑެތި މުންކަރާތްތަކަކީ ގޯސް ކަންތައްތައް ކަން ބަޔާންކޮށް އެކަންކަމުގެ ތެރެއަށް ނުވަނުމަށް ގޮވާލައި އާންމުން ހޭލުންތެރި ކުރަން ދީނީ އިލްމުވެރިންނާއި އެނޫން އާއްމު ރައްޔިތުންނަށް އެކީއެކަށް ހުރަސް އެޅި ބަންދު ވެގެން ދާނެ ކަމަށް ވަނީ ބުނެފަ އެވެ.
އަދި ސެކިއުލާ ހަރަކާތްތައް ރާއްޖޭގައި ވަރުގަދަ ކުރުމަށް ބައިނަލްއަގްވާމީ ޖަމާއަތްތަކާ ގުޅިގެން އެކި ޖަމާއަތްތަކުން ހިންގާ ޖަރީމާތަކާ ގުޅިގެން ދިވެހި ދައުލަތުގެ އިދާރާތަކަށް ހުށަހަޅާ މައްސަލަތައް ކުރިއަށް ނުގޮސް އޮތްކަން ފާހަގަކޮށް އެގޮތަށް އެކަން ހިނގާ ވަގުތެއްގައި ދީނާ ދެކޮޅު ޖަރީމާތައް ހިންގާ މީހުންނާމެދު އިލްމުވެރިންނާއި ދީނަށް ޣީރަތްތެރިކަން ހުންނަ އާންމުންގެ ފަރާތުން ބުނާ ބަހަކާ ގުޅިގެން، މާތްވެގެންވާ އިސްލާމްދީނުގެ ދިފާއުގައި ތެދުވާ މީހުންގެ މައްޗަށް ދައުވާ އުފުލޭ ގޮތަށް އޮތުމަކީ އިސްލާމްދީނާއި ދިވެހިރާއްޖޭގެ ގައުމިއްޔަތާ ހިލާފު ކަމެއް ކަމަށް ބުނެފައި ވެއެވެ.
މި އިސްލާހާއި މެދު ސަރުކާރު ކޯލިޝަނުގައި ހިމެނޭ އަދާލަތު ޕާޓީ އާއި ޖުމްހޫރީ ޕާޓީން ވެސް ވަނީ ކަންބޮޑުވުން ފާޅުކޮށްފައެވެ.
2 Responses
ޮނ ކޮންމެވެސް އެއްޗެކޭ ކިޔާގެން މީހަކާ ދިމާލަށް އެތިވަރު ނުގޮވާ ހެޔޮބަހެއް ބުނަން ނުދަންނަމީހަކީ އިލްމުވެރިއެއްނޫން. ތިބުނާ މީހުން ކައިރީ ބުނޭ މަޑުންތިބޭށޭ.
އިޔާޒު އަކި އިލްމްވެރިއެއްބާ