ހިޔާ މަޝްރޫއުގެ ދަށުން ހުޅުމާލޭގައި ހަދާފައިވާ ފްލެޓްތަކުގެ އެއްބަސްވުންތަކުގައި ސޮއިކުރުން އަނެއްކާވެސް ވަގުތީ ގޮތުން މެދުކަނޑާލައިފި އެވެ.
އެޗްޑީސީން ބުނީ ފްލެޓް އެއްބަސްވުމުގައި ސޮއި ކުރުމުގެ މަސައްކަތުގައި ހަރަކާތްތެރިވި މުވައްޒަފަކު ކޮވިޑް-19 އަށް ޕޮޒިޓިވް ވެފައިވާކަމަށެވެ. އަދި އެކަމުގެ ސަބަބުން ފްލެޓް އެއްބަސްވުމުގައި ސޮއި ކުރުން މެދު ކަނޑާލާފައިވާކަމަށެވެ.
އެގޮތުން މިއަދު ހެނދުނު 10:00 އިން ފެށިގެން އެއްބަސްވުމުގައި ސޮއި ކުރުމުގެ ކަންކަން މެދުކަނޑާލެވިފައިވާކަމަށް އެޗްޑީސީން މައުލޫމާތުދެއެވެ.
އެޗްޑީސީން ބުނެފައިވަނީ ހިޔާ ފްލެޓް އެއްބަސްވުމުގައި ސޮއި ކުރުމުގެ ކަންކަން ފެށޭނެ ތާރީހެއް ފަހުން އިއުލާނުކުރާނެކަމަށެވެ.