ވެލާނާ އިންޓަނޭޝަނަލް އެއާޕޯޓުން ބޭރުކުރަން އުޅުނު ގިނަ އަދަދެއްގެ މިޔަރު އުރަހަ މިއަދު އަތުލައިގެންފިއެވެ.
ކަސްޓަމްސް އިން ބުނީ އޭވިއޭޝަން ކޮމާންޑާއި ގުޅިގެން ކުރި މަސައްކަތުން 14 ފޮށީގައި ބަންދުކޮށްފައިވާ 243 ކިލޯގެ މިޔަރު އުރަހަ އަތުލައިގެންފައިވާ ކަމަށެވެ. ވެލާނާ އިންޓަނޭޝަނަލް އެއާޕޯޓުން ބޭރު ކުރަން އުޅުނީ ލޮނު މަހުގެ ގޮތުގައި ކަމަށް ބުނެ އޮޅުވާލައިގެން ކަމަށް ކަސްޓަމްސް އިން ބުނެއެވެ.
މި މައްސަލައިގެ ތަހުގީގު ކުރިއަށްދާ ކަމަށް ކަސްޓަމްސް އިން ހާމަކުރެއެވެ.
މީގެ ކުރިންވެސް ރާއްޖެއިން ބޭރުކުރަން އުޅުނު މިޔަރު އުރަހަތަކެއް ވަނީ އަތުލައިގެންފައެވެ.