ކ.ގުރައިދޫގައި ދެ އަހަރުގެ އަންހެން ކުއްޖަކު ގެނބިގެން މަރުވެއްޖެ އެވެ.
މައުލޫމާތު ލިބިފައިވާ ގޮތުގައި ހަށިގަނޑު މޫދުން ފެނިގެން ނަގައިގެން ރަށުގެ ސިއްހީ މަރުކަޒަށް ގެންދިޔައިރު ވެސް ވަނީ ކުއްޖާ މަރުވެފައެވެ.
އެރަށުން މައުމޫލާތު ދިން މީހަކު ބުނީ އެ ކުއްޖާގެ މަންމަ އެ ކުއްޖާއަށް ކާންދީފައި ތަށިލާފައި ނުކުތް އިރު ފެންނަން ނެތުމުން ހޯދަން ފެށިކަމަށާއި، ފެނުނު އިރު އޮތީ މޫދުގައި ކަމަށެވެ.
މި ހާދިސާއާ ގުޅޭ ގޮތުން އަދި ފުލުހުން ވަކި އެއްޗެއް ހާމަކޮށްފައެއް ނުވެއެވެ.