ސެންޓްރަލް ޕާކުގައި ރޭ ހުޅުވި ފެންއަރުވާ ވަނޑާމުގެ ބޮޑު ބައި ކުރީގެ ރައީސް އަބްދުﷲ ޔާމީންގެ ސަރުކާރުގައި އޮތީ ނިމިފައިކަމަށް އެ ސަރުކާރުގެ ހައުސިން މިނިސްޓަރު އަދި މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
އެޗްޑީސީން ރޭ ހުޅުވީ، ރާއްޖޭގައި މިހާތަނަށް ގާއިމު ކުރި އެންމެ ބޮޑު ފެންއަރުވާ ވަޑާމެވެ. ސެންޓްރަލް ސަރައްހައްދުގައި ބޭއްވި ކުލަ ގަދަ ރަސްމިއްޔާތަކާއި އެކު ހުޅުވި ފެންއަރުވަ ވަޑާމުގައި 20،021 އަކަފޫޓުގެ ޖާގައެއް ހުރެ އެވެ. ޕާކުގެ ފެންގަނޑުގެ ހަރަކާތްތައް މިއުޒިކާއި، ލައިޓިން އާއި އެއްވަރަށް އޮޕަރޭޓު ވާއިރު ތަނުގެ ފެންގަނޑު 15 މީޓަރާ ހަމައަށް މައްޗަށް އަރާނެ އެވެ.
މިއީ ރައީސް ޔާމީންގެ ތަރައްގީގެ މަޝްރޫއުއެއްކަން ފާހަގަ ކުރައްވައި ޑރ. މުއިއްޒު ވިދާޅުވީ އެ ފެންއަރުވާ ވަނޑާމުގެ އަމަލީ މަސައްކަތް ފެށުނީ 2017 ވަނަ އަހަރު ކަަމަށެވެ. އަދި ވިދާޅުވީ ރައީސް ޔާމީންގެ ފަސް އަހަރުގެ ދައުރު ނިމުނުއިރު މަޝްރޫއުގެ 80 އިންސައްރަ މަސައްކަތް އޮތީ ނިމިފައި ކަަމަށް މުއިއްޒު ވިދާޅުވި އެވެއަސ ތހެ ..
A project planned, signed and physical construction started in 2017. By October 2018, 80% of physical works completed. With the change of govt, project was severely delayed and only completed now. Thank you President Yameen, for this project and for your visionary leadership. pic.twitter.com/XXF2PxDAuJ
— Dr Mohamed Muizzu (@MMuizzu) November 13, 2021
ވެރިކަން ބަދަލުވެ ރައީސް އިބްރާހިމް މުހައްމަދު ސޯލިހު ސަރުކާރާއި ހަވާލުވުމާއި އެކު ފެންއަރުވާ ވަޑާމުގެ މަސައްކަތް މަޑުޖެހިގެން ދިޔަކަމަށް މުއިއްޒު ވިދާޅުވި އެވެ. އެހެން ކަމުން އަހަރުތަކެއް ފަހުން ނަމަވެސް ރައީސް ޔާމީންގެ ތަރައްގީ އާއި އެމަނިކުފާނުގެ ލީޑާޝިޕްގެ ތަސައްވުރުން ޕްރޮޖެކްޓެއް އައުމަކީ ޝުކުރު ހައްގު މަސައްކަތެއްކަމަށް އޭނާ ވިދާޅުވި އެވެ.
މި މަސައްކަތް ކުރިއަށް ގެންގޮސްފައިވަނީ ތުރުކީގެ ކުންފުންޏެއް ކަމަށްވާ އަލްކޭ އިންސާތު ސަނައީ ވެ ޓިކަރެޓް އޭއެސް އާއި ހަވާލުކޮށްގެންނެވެ.
advertisment