ދެ މިނިސްޓްރީއަކަށް އެގްޒެކެޓިވް ޑިރެކްޓަރުން އައްޔަންކޮށްފި

ޔޫތު މިނިސްޓްރީ އާއި ހެރިޓޭޖް މިނިސްޓްރީގެ އެގްޒެކެޓިވް ޑިރެކްޓަރުކަމަށް ދެ ބޭފުޅަކު އައްޔަންކޮށްފި އެވެ.

ޔޫތު މިނިސްޓްރީގެ ސީނިއާ އެގްޒެކެޓިވް ޑިރެކްޓަރުގެ މަގާމަށް އައްޔަން ކުރެއްވީ އަދާލަތު ޕާޓީގެ ތޫބާ ރަޝީދެވެ. ހެރިޓޭޖު މިނިސްޓްރީގެ ސީނިއާ އެގްޒެކެޓިވް ޑިރެކްޓަރުގެ މަގާމަށް އައްޔަންކު ރެއްވީ އެމްއެމްއާރުއެމްގެ އަލީ ތޯއިފު އެވެ.

އެގްޒެކެޓިވް ޑިރެކްޓަރުންގެ މަގާމުގައި ތިއްބަވާ ބޭފުޅުންނަށް 18،000 ރުފިޔާއާއި 25،000 ރުފިޔާއާ ދެމެދުގެ މުސާރައެއް ލިބިވަޑައިގަންނަވައެވެ.

ފާއިތުވި މަސް ދުވަހުގެ ތެރޭގައި އެމްޑީޕީގެ ތިން އެކްޓިވިސްޓަކު ވެސް ވަނީ ސީނިއާ އެގެޒެކެޓިވުންގެ މަގާމަށް އައްޔަން ކޮށްފައެވެ.