ށ. ކޮމަންޑޫ ޝޯޕްރޮޓެކްޝަން ރެކްޓިފިކޭޝަން އަދި މަތިކޮމަންޑޫ ގުޅުވާލުމުގެ މަޝްރޫއުގެ ދަށުން މިހާރު ހިއްކާފައިވާ ސަރަހައްދު ވަގުތީ ގޮތުން ހިމާޔަތްކުރުމުގެ މަސައްކަތް ފަށައިފި އެވެ.
ސަރުކާރުން އެމްޓީސީސީ ޢާއި ހަވާލުކޮސްގެން ރަށްތައް ތަރައްޤީކުމަށް ކުރިޔައްގެންދާ މަޝްރޫއުތަކުގެ ތެރެއިން ހިއްކާ ސަރަހައްދު ހިމާޔަތް ކުރަނީ އެ ސަރަހައްދު ގިރައިގެންދިޔަ ނުދޭންށެވެ.
މި މަޝްރޫގެ ދަށުން 16.7 ހެކަޓަރުގެ ބިން ހިއްކުމަށް ވަނީ ހަމަޖެހިފައެވެ.
މީގެއިތުރުން 200 މީޓަރުގެ ލިންކް އަކުން ކޮމަންޑޫ އަދި މަތި ކޮމަންޑޫ ގުޅުވަލުމަށް ހަމަޖެހިފައިވާކަންވެސް އެކުންފުނިން މައުލޫމާތުދެއެވެ.
މި ޕްރޮޖެކްޓްގައި 1690 މީޓަރުގެ ޝޯޕްރޮޓެކްޝަން ރެކްޓިފިކޭޝަން މަސައްކަތް ކުރުމަށް ހަމަޖެހިފައިވެއެވެ. މިއީ 249.90 މިލިޔަން ރުފިޔާގެ މަޝްރޫއެކެވެ.
advertisment