ރާއްޖޭގެ ސިއްހީ ކުއްލި ނުރައްކަލުގެ ހާލަތު އުވާލަން ނިންމައިފި އެވެ.
ގައުމާއި މުހާތަބު ކުރައްވައި ރައީސް ސޯލިހު ވިދާޅުވީ، ސިއްހީ ކުއްލި ނުރައްކަލުގެ ހާލަތު އުވާލަން ނިންމެވީ ސިއްހީ މާހިރުންގެ ލަފާ އަދި އިރުޝާދުގެ ދަށުން ކަމަށެވެ. ފިޔަވަޅުތައް އުވާލި ނަމަވެސް، އާ ވޭރިއަންޓެއްގެ ނުރައްކާ ބޮޑުވެއްޖެ ހާލަތެއްގައި އިތުރު ފިޔަވަޅު އަޅާނެކަން ރައީސް ފާހަގަ ކުރެއްވި އެވެ. ރައީސް ވިދާޅުވީ އިތުރު ތަފްސީލުތައް ސީއްހީ ކަމާއި ބެހޭ އިދާރާތްތަކުން ހިއްސާ ކުރާނެ ކަމަށެވެ.
ކުރިއަށް އޮތް ތަނުގައި ކޮވިޑާއި ކުރިމަތިލާނެ ގައުމީ ފެންވަރުގެ ރޭވުންތަކެއް ސަރުކާރުން އެކުލަވައިލާނެކަން ރައީސް ފާހަގަ ކުރެއްވި އެވެ