ރޮޒެއިނާ އިންތިއަށް: ތިގޮތަށް ޕާޓީ ތެރޭ ނަފްރަތު އުފައްދަން ނޫޅޭ!

އެމްޑީޕީގެ ޗެއާޕާސަންގެ އިންތިޚާބުގައި ވާދަކުރައްވާ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެންބަރު އިމްތިޔާޒް ފަހްމީ (އިންތި) ޕާޓީ ތެރޭގައި ނަފްރަތު އުފައްދަން މަސައްކަތް ނުކޮށް ރީތި ކެމްޕޭނެއް ކުރުމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ގޮވާލައިފި އެވެ.

Idhikolhu partyge bayakaa dhekolhahkuraa muzaahara ehthomee?
Mee ethereyge inthihaabeh. Dhogu hadhaa fithuna ufahdhan masakkai kurumaky party ah hama enme faidhaa hurigoiba? Thigothah party therey nafrathu ufahdhavan noolhuvva reethikoh campaign kuravvan Inthi ah ilthimaaz kuran. https://t.co/TcmdfIdcgk

— ???????? ???????????????????????????? ???????????????? ???? (@Roxeyna) March 18, 2022

އެތެރޭގެ އިންތިހާބުގެ ވާދަވެރިކަން އުފެދިފައިވާ މި ދަނޑިވަޅުގައި އެންމެ ބޮޑަށް ބަހުސް ކުރުމުގައި ބޭނުންކޮށް އޮޅެނީ ޕާޓީ އިސްލާހު ކުރާ ވާހަކައާއި ރައީސް މުހައްމަދު ނަޝީދު ޕާޓީން ބޭރު ކުރުމަށް ޕާޓީގެ އެތެރެއިން މަސައްކަތްތަކެއް ކުރަމުންދާ ކަމުގެ ތުހުމަތުތަކެވެ. އަދި އެމްޑީޕީގެ އުސޫލުތަކާއި ހިލާފުވެ، ޕާޓީ ދަނީ މުޅިން އެހެން މަގަކުންކަމަށް ބުނެ ބަސްތައް ދަނީ ބަދަލު ކުރަމުންނެވެ.

އެމްޑީޕީގެ އިންތިހާބުގައި ޗެއާޕާސަނަކަށް ވާދަ ކުރައްވަނީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އާއި އިކޮނޮމިކް މިނިސްޓަރު ފައްޔާޒް އިސްމާއީލެވެ. އަދި އަންހެނުންގެ ރޫހުގެ ރައީސްކަމަށް އައުމަށް ރޮޒެއިނާ ވެސް ދަނީ ގިނަ މަސައްކަތްތަކެއް ކުރަމުންނެވެ.

ދާފިފަހުން ކެމްޕެއިން ބައްދަލުވުމެއްގައި އިންތި ވަނީ ރައީސް ނަޝީދު ޕާޓީން ބޭރު ކުރުމަށް ކުރާ މަސައްކަތް ކާމިޔާބު ނުވާނެކަމަށް ވިދާޅުވެފަ އެވެ. އެކަމަށް ރައްދު ދެއްވައި، ވީޑިއޯއެއް ޓްވީޓުކޮށް ރޮޒެއިނާ ވިދާޅުވީ ޕާޓީގެ ތެރޭގައި ކުރިޔަށް ދަނީ އިދިކޮޅާއި ދެމެދު މުޒާހަރާއެއްތޯ ސުވާލު ކުރައްވާފަ އެވެ. މިއީ އެތެރޭގެ އިންތިހާބެއްކަން ފާހަގަކޮށް އޭނާ ވިދާޅުވީ ދޮގު ހަދައި ފިތުނަ އުފައްދަން މަސައްކަތް ނުކުރުމަށް އެދޭ ކަމަށެވެ. އަދި ދޮގު ހެދުމާއި ފިތުނަ އުފައްދަން މަސައްކަތް ކުރުމަކީ ޕާޓ އަށް ހަމަ އެންމެ ފައިދާ ހުރި ގޮތްތޯ ރޮޒެއިނާ ވަނީ ސުވާލު އުފައްދަވާފައެވެ.

އެމްޑީޕީގެ އެތެރޭގެ އިންތިހާބު އަންނަ މެއި މަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އިރު ޗެއަރޕާސަން އިންތިހާބުގައި ފައްޔާޒާއި އިންތި ގެންދަވަނީ ކެމްޕޭން ހަރަކާތް ތަކުގައި ރާއްޖޭގެ ރަށްތަކަށް ދަތުރުކުރަމުންނެވެ. އެގޮތުން ނިމިދިޔަ ހަފްތާގެ ބަންދުގައި އިންތިގެ ޓީމުން ގދ ތިނަދޫ ގައި މެނިފެސްޓޯ އިފްތިތާހު ކުރުމަށް ޖަލްސާއެއް ވަނީ ބާއްވާފައެވެ. އަދި ފައްޔާޒްގެ ފަރާތުން ހއ ހޯރަފުށީގައި ކެމްޕޭން ހަރަކާތެއް ހިންގާފައިވާ ކަމުގެ މައުލޫމާތު ލިބިފައިވެއެވެ.