ޅ. ކުރެންދޫ ގޮނޑުދޮށް ހިމާޔަތް ކުރަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީއިން ފަށާފައިވާ މަޝްރޫޢގެ ދަށުން ބޮޑުހިލައިގެ ފުރަތަމަ ޝިޕްމެންޓް މަސައްކަތް ކުރާ ސަރަހައްދައް ގެންގޮސްފައިވާ ކަމަށް އެ ކުންފުނިން ބުނެފިއެވެ.
އެމްޓީސީސީއިން އާންމުކޮށްފައިވާގޮތުން، އެ ކުންފުނިން ޅ ކުރެންދޫގައި ހިންގަންފަށާފައިވާ މަޝްރޫޢއާއި ހަވާލުވެފައިވަނީ 2021 ވަނަ އަހަރު ނޮވެމްބަރު މަހު 8 ވަނަ ދުވަހުއެވެ. މި ޕްރޮޖެކްޓަކީ 44.9 މިލިއަން ރުފިޔާ ހޭދަ ވާނެ މަސައްކަތެއް ކަމަށްވެސް އެ ކުންފުނިން އާންމުކޮށްފައިވެއެވެ.
މި މަޝްރޫއުގެ ދަށުން 9100 ކިއުބިކް މީޓަރުގެ ވެލި މަސައްކަތްކުރާ ސަރަހައްދުގެ ގޮނޑުދޮށަށް އެޅުމަށް ނިންމާފައިވާއިރު، 361 މީޓަރު ސަރަހައްދެއްގައި ބޭރުތޮށި ލުމުގެ އިތުރުން 822 މީޓަރުގެ ސަރަހައްދެއްގައި ރިވެޓްމެންޓްގެ މަސައްކަތްތައް ކުރިއަށް ގެންދާނެކަމަށްވެސް އެމްޓީސީސީއިން ބުނެފައިވެއެވެ.
advertisment