ހދ ހަނިމާދޫ މަގު ހެދުމުގެ މަޝްރޫއުގެ ދަށުން މަގުތަކުގައި ތާރު އަޅާ ނިމިއްޖެއެވެ.
އެގޮތުން 46،466 އަކަ މީޓަރުގެ ސަރަހައްދެއްގައި ތާރު އެޅިފައިވާ ކަމަށް އެމްޓީސީސީ އިން ވަނީ ބުނެފައެވެ.
މި މަޝްރޫއުގެ ދަށުން 16،518 އަކަ މީޓަރުގެ ހިނގާ ސަރަހައްދެއް ގާއިމް ކުރުމާއި 38،916 އަކަ މީޓަރުގެ ދުއްވާ ސަރަހައްދެއް ގާއިމް ކުރުމާއި 19،679.7 އަކަ މީޓަރުގެ ސަރަހައްދެއްގައި މަގުމަތީ ނިޝާން ހަރުކުރުމުގެ މަސައްކަތް ހިމެނެއެވެ.
މި މަޝްރޫއު އަކީ 76.09 މިލިއަން ރުފިޔާގެ މަޝްރޫއެކެވެ.