ރައްޔިތުން މަޖިލީހުގެ ރައީސް އަދި އެމްޑީޕީގެ ރައީސް މުޙައްމަދު ނަޝީދުގެ ސެކިއުރިޓީއަށް ވަމުންދާ ގޮތާއި މެދު މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ސުވާލު އުފައްދަވާފިއެވެ.
ރައީސް ނަޝީދު ޔޫކޭގެ ރެސްޓޯރެންޓެއްގައި ފަރިއްކުޅުވަން އިންނަވަނިކޮށް އެމަނިކުފާނުގެ ފޯނު ވަގަށް ނެގުމާއި ގުޅިގެން ޓުވީޓު ކުރައްވާ އާދަމަ ޝަރީފް ވިދާޅުވީ އެމަނިކުފާނުގެ ބޮޑީ ގާޑުން ކޮބައިތޯ ކަމަށާއި އެވަރުގެ ސެކިއުރިޓީއަކާއެކު ނަޝީދު ކިޑްނެޕް ނުކުރާނެކަން ޔަޤީންތޯ އައްސަވާ އާދަމް ޝަރީފް ވަނީ އެކަމަށް ފާޑު ވިދާޅުވެފައެވެ.
RN ge security ah mivanee kihineh? Kobaa security guards? RN kidnap nukuraanekan kashavarutha @MNDF_Official ? https://t.co/lKCrIls3l8
— Adam Shareef Umar (@Adamshareefz) August 3, 2022
މެންދުރުގެ ފަރިއްކޮޅުގައި އިންނަވަނިކޮށް ނަޝީދުގެ ފޯނު ޖަހައިގަނެގެން މީހަކު ފިލީކަމަށް ރައްޔިތުންގެ މަޖިލީހުގެ މެންބަރުންގެ ވަޓްސްއެޕް ގުރޫޕަށް މަޖިލީހުގެ ނައިބު ރައީސް އީވާ އަބްދުﷲ ފޮނުއްވި މެސެޖުގައި ވިދާޅުވެފައި ވެއެވެ.
އަދި އީވާއަށް އެކަން އަންގާފައިވަނީ ނަޝީދުގެ ދަރިކަނބަލުން މީރާ ލައިނާ ނަޝީދުއެވެ. ދަރިކަނބަލުން މީރާގެ މެސެޖުގައި އެދިވަޑައިގެންފައިވަނީ ނަޝީދުގެ ނަންބަރު ބްލޮކް ކޮށްލަ ދެއްވުމަށެވެ. އީވާ ވަނީ އެމެސެޖު މަޖިލީހުގެ ވަޓްސްއެޕް ގުރޫޕަށް ފޯވާޑް ކޮށްފައެވެ.
ރައީސް ނަޝީދުގެ ފޯނު ޖަހައިގަނެފައި މިވަނީ ރައީސް އިބްރާހިމް މުޙައްމަދު ޞާލިހު އަންހެން ކުއްޖަކާއެކު ޒިނޭ ކުރާ މަންޒަރު ދައްކުވައިދޭ ފޮޓޯތަކެއް ލިބިފައިވާކަމަށް ވިދާޅުވެފައިވަނިކޮށެވެ.
advertisment