ރައީސް އޮފީހުގެ ތަރުޖަމާނުކަމުން މުހައްމަދު މަބްރޫކް އަޒީޒު އިސްތިއުފާ ދެއްވައިފި އެވެ.
މަބްރޫކް އިސްތިއުފާ ދެއްވި ސިޓީ، ރައީސުލްޖުމްހޫރިއްޔާއަށް ފޮނުވާފައި ވަނީ މިއަދުގެ ވަގުތެއްގަ އެވެ.
މިކަމާއި ގުޅޭގޮތުން އަދި ރަސްމީ ބަހެއް ލިބޭގޮތް ވަނީ ނުވެފަ އެވެ. އަދި “ސަންގު” އިން މަބްރޫކަށް ގުޅުމުން ފޯނަށް ޖަވާބެއް ނުދެއްވަ އެވެ. އަދި މެސެޖު ކުރުމުން ވެސް އެއްވެސް ޖަވާބެއް ދެއްވާފައި ނުވެ އެވެ. ނަމަވެސް ރައީސް އޮފީހުން އެ މައުލޫމާތު ހޯދުމަށް ގުޅުމުން، ވަނީ އެފަދަ ސިޓީއެއް ލިބިފައި ނުވާކަމަށް ބުނެފަ އެވެ. އަދި އެކަން ކަށަވަރު ނުކުރެވޭކަމަށް ބުންޏެވެ.
ކޮވިޑު-19 ގެ ތެރޭގައި ނޭޝަނަލް އިމަޖެންސީ އޮޕަރޭޝަންސް ސެންޓަރުގެ ތަރުޖަމާނެއްގެ ގޮތުގައި މީޑިއާތަކަށް މައުލޫމާތު ދިން މަބްރޫކް އާއްމުންގެ ތެރޭގައި ވަރަށް ބޮޑަށް މަޝަހޫރުވި އެވެ. އަދި އޭނާ ތަރުޖަމާނުކަމަށް އައްޔަނު ކުރީ އޭގެ ފަހުންނެވެ.
އެންމެ ފަހުން ބޭއްވި ރައްޔިތުންގެ މަޖިލީހުގެ އިންތިހާބުގައި އެމްޑީޕީގެ ޓިކެޓުގައި ފެލިދޫ ދާއިރާއަށް ވެސް މަބްރޫކް ވާދަ ކުރެެއްވި އެވެ. އޭނާ މަތީ ތައުލީމް ހާސިލު ކުރެއްވީ ޕޮލިޓިކަލް ސައިންސްގެ ދާއިރާއިންނެވެ.