ބަރުލަމާނީ ނިޒާމަކީ، ދިވެހި މުޖުތަމައުގެ ތެރޭގައި ފެންމަތިވެފައިވާ ނޭދެވޭ ކަންކަން ނައްތާލުމަށް އޮތް ހައްލެއް ނޫންކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ސިފަ ކުރައްވައިފިއެވެ.
ދިވެހި މުޖުތަމައުގެ ތެރޭގައި އެއްޖިންސުން ގުޅުން ހިންގުމާއި، މީހުން މެރުން ފަދަ ކުށްތަކަށް އަރައިގަތުން ގިނަވެފައިވާ ދަނޑިވަޅެއްގައި، ކަންބޮޑުވުން ފާޅުކުރައްވާ ވާހަކަދައްކަވަމުން، ޝަރީފް ވިދާޅުވީ ބަރުލަމާނީ އަކީ އެކަންކަން ހައްލު ކުރުމަށް ބޭނުން ކުރާ ޖާދުލުގެ ވަޒަނެއް ނޫންކަމަށެވެ. އަދި އެ ނިޒާމަށް ދިވެހިރާއްޖޭގެ ވެރިކަން ބަދަލު ކުރިނަމަވެސް، މުޖުތަމައުގެ ތެރޭގައި ހިނގަމުންދާ ނޭދެވޭ ކަންކަން ހުއްޓުމަކަށް ނުގެނެވޭނެކަމަށްވެސް އެނާ ފާހަގަކުރެއްވިއެވެ.
Barulamaanee is not a magic bullet that will resolve overnight key social,economic,political n governance issues faced by the country today.Effective,efficient ,capable n stable government is much more important to build a prosperous, democratic Maldives.
— Ibrahim Shareef (@AdduShareef) August 24, 2022
ޝަރީފް ވިދާޅުވީ، ރާއްޖެއަށް ކުރިމަތިވެފައިވާ އިގްތިސޯދީ، ސިޔާސީ އަދި ސަރުކާރުގެ ހިންގުންތެރިކަމުގެ މައްސަލަތަކަކީ، އެއް ދުވަހުގެ މަތިން ހައްލު ކުރެވޭނެ ކަންކަމެއް ނޫންކަމަށެވެ. އަދި އެކަން ކުރުމަށް ބޭނުންވަނީ، ހިންގުންތެރި ގާބިލު ސަރުކާރެއް ކަމަށްވެސް އެނާ ވިދާޅުވިއެވެ. އަދި ކުރިއަރާފައިވާ ދިމަކްރާތީ ދިވެހިރާއްޖެއެއް ބިނާ ކުރެވޭނީ އެފަދަ ސަރުކާރެއްގެ ބެލުމުގެ ދަށުންކަމަށްވެސް އެނާ ފާހަގަކުރެއްވިއެވެ.
advertisment