ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރ ސުހެއިލް އަހުމަދު ރިޓަޔާރ ކުރައްވައިފި އެވެ.
ސުހެއިލް އެ މަގާމަށް އައްޔަނު ކުރީ، 2018 ޑިސެމްބަރު 30 ގަ އެވެ. އެޗްޑީސީގައި ގިނަ އަހަރުތަކެއް ވަންދެން މަސައްކަތް ކުރެއްވި ސުހެއިލް ރިޓަޔާރ ކުރެއްވުމަށް ނިންމިއިރު، އޭނާ އެޗްޑީސީގައި މަސައްކަތް ކުރައްވާނެ އެންމެ ފަހު ދުވަހަކީ މާދަމާ އެވެ.
ރައީސް މައުމޫން އަބްދުލްގައްޔޫމްގެ ވެރިކަމުގައި 2012 އިން 2015 އަށް އެޗްޑީސީގެ މެނޭޖިން ޑިރެކްޓަރުކަން އަދާކުރި ސުހެއިލްއަކީ، އެ ކުންފުންޏަށް އެންމެ ގިނަ ދިވަހު ހިދުމަތް ކުރެއްވި ބޭފުޅާ އެވެ.
އެޗްޑީސީގެ މެނޭޖިން ޑިރެކްޓަރުކަމުގެ އިތުރުން އެ ކުންފުނީގެ ޑެޕިއުޓީ މެނޭޖިން ޑިރެކްޓަރުކަމާއި ޑިރެކްޓަ އޮފް ޕްލޭނިން އެންޑް އެސްޓޭޓްގެ މަގާމުވެސް އޭނާ އަދާކުރެއްވި އެވެ.
ހުޅުމާލެ ހިއްކައި އާބާދު ކުރުމަށް ގިނަ މަސައްކަތްތަކެއް ކުރެއްވި، ސުހެއިލް ކުންފުންޏަށް 20 އަހަރު ހިދުމަތް ކުރެއްވި އެވެ.