މި ސަރުކާރު ކޯލިޝަނުގައި ހިމެނޭ އަދާލަތު ޕާޓީގެ ރައީސް، ހޯމް މިނިސްޓާ އިމްރާން އަބްދުﷲ ގެ އަރިހުން މަގާމުގެ ދަހިވެތިކަމުގައި ދީނުން ބޭރުވެ މުރުތައްދުވާއިރުވެސް ނޭގެނީތޯ އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ސުވާލުކުރައްވައިފިއެވެ.
އަބްދުއްރަހީމް މިފަދައިން އައްސަވާ ޓުވީޓެއް ކުރެއްވީ މިއަދު ލ ގަމުގައި ލާމަރުކަޒީ އުސޫލުން އިދާރީ ދާއިރާތައް ހިންގުމަށް، ސަރުކާރުން ކުރަމުންދާ މަސައްކަތަކާއި ގުޅޭގޮތުން ފެށި “ވިއަވަތި” ރާއްޖެ ކޮންފަރެންސްގެ ފެށުމުގެ ރަސްމިއްޔާތުގައި އިމްރާން ދެއްކެވި ވާހަކައިގެ މައްޗަށް އޮންލައިން މީޑިއާއެއްގައި ޝާއިއުކޮށްފައިވާ ހަބަރެއް ހިއްސާކުރައްވައެވެ.
އަމިއްލަ އެދުން ބޮޑުވިޔަސް މިއީ ދެން ފުކެއް ބޮޑުވަރު.ކީރިތި ރަސޫލާ(ޞ.ޢ.ވ)އާ @ibusolih އާ އެއްފަދަކުރަން ހެޔޮވާނީ ކޮންފަދަޔަކުންތޯ؟@ShimranAb މަނިކުފާނު ތިޔަ ހުންނެވީ ހަމަ ހޭގައިތޯ?މަގާމުގެ ދަހިވެތިކަމުގައި ދީނުންބޭރުވެ މުރުތައްދުވާ އިރުވެސް ނޭނގެނީތޯ؟ތިޔައީ ޖާހިލުކަމުގެ އިންތިހާ! pic.twitter.com/eoOfprUE3A
— Abdul Raheem Abdulla (@Banafsaa) September 11, 2022
އިމްރާން ވިދާޅުވެފައިވަނީ ރައީސް އިބްރާހިމް މުހައްމަދު ސޯލިހް ކުރައްވަނީ ކީރިތި ގުރުއާނުގައި އަންގަވާފައިވާ ފަދަ، އަދި ރަސޫލާ صَلَّى اللّٰهُ عَلَيْهِ وَسَلَّمَ ކުރެއްވި ފަދަ ހެޔޮ ވެރިކަމެއްކަމަށެވެ. އޭނާ ވިދާޅުވީ ހެޔޮ ވެރިކަމެއްގަ ހުންނަންޖެހޭ އެންމެ މާތް, އެންމެ މަތިވެރި, އެންމެ މޮޅު, އެންމެ ވިދާ ބަބުޅާ ސިފައަކީ ފުރިހަމަ ސިފައިގަ އެންމެން އެކުގައި މަޝްވަރާކުރުން ކަމަށެވެ. އިދާރީ ދާއިރާތައް ލާމަރުކަޒީ އުސޫލުން ހިންގުމަކީ ރައީސް ސާލިހު އީމާންވެލައްވާ ގޮތްކަމަށް ވިދާޅުވެ ވާހަކަދައްކަވަމުން އިމްރާން ވަނީ ރައީސް ސާލިހަށް ތައުރީފުކުރައްވާފައެވެ.
އަބްދުއްރަހީމްގެ ޓުވީޓުގައި މި ވާހަކަތަކައް ރައްދުދެއްވާ އިތުރަށް ވިދާޅުވެފައިވަނީ އަމިއްލަ އެދުން ބޮޑު ވިއަސް މިއީ ބޮޑުވަރުކަމަށެވެ. އަދި އޭނާ ސުވާލުކުރައްވާފައިވަނީ ރަސޫލާ އާއި ރައީސް ސާލިހާއި އެއްފަދަކުރުން ހެޔޮވާނީ ކިހިނެއްކަމާއިމެދުއެވެ. އިމްރާން މިފަދަ މޭރުމަކުން ވާހަކަދެއްކެވުމުން މިކަންތައް އަބްދުއްރަހީމް ސިފަކުރައްވާފައިވަނީ ޖާލިހުކަންކަމުގައެވެ.
އިމްރާންއަކީ މަގާމުގެ ދިފާއުގައި ނުވަތަ ސިޔާސީ މަންފާއަށްޓަކައި މަސައްކަތްކުރައްވާކަމަށް ބުނެ ގިނަ ފާޑުކިޔުންތަކެއް އަމާޒުވާ ބޭފުޅެކެވެ.
advertisment