މާރަންދޫ ފެރީ ހަޓްގެ މަސައްކަތް ނިމިއްޖެ!

ހއ. މާރަންދޫ ފެރީ ހަޓްގެ މަސައްކަތް އެމްޓީސީސީން އެއްކޮށް ފުރިހަމަކޮށް ނިންމާލައިފިއެވެ.

އެމްޓީސީސީން މައުލޫމާތުދޭގޮތުގައި މި ފެރީ ހަޓަކީ އާރުޓީއެލް ފެރީ ނިމާޒުގެ ދަށުން ޒޯން އެކެއްގައި ގާއިމް ކުރުމަށް ހަމަޖެހިފައިވާ ފެރީ ހަޓެކެވެ.

މިއީ އާރުޓީއެލް ފެރީގެ ހިދުމަތް ހޯދާ ފަރާތްތަކަށް ބަނދަރުގައި މަޑުކޮށްލެވޭ ތަނެއް ބެހެއްޓުމުގެ ބޭނުމުގައި ހަދާފައިވާ ތަނެކެވެ. މާރަންދޫ ފެރީ ސްޓޮޕްގައި ކިއޮސްކަކާއި، ޔުނިވާސަލް ޓޮއިލެޓަކާއި ވެއިޓިންގް އޭރިއާއެއް ގާއިމްކޮށްފައިވެއެވެ.

އާރުޓީއެލް ފެރީގެ ނިޒާމު އެންމެ އުތުރުގެ ތިން އަތޮޅުގައި ވަނީ ފަށައިފައެވެ. ސަރުކާރުގެ އަމާޒަކީ މި ހިދުމަތް ރާއްޖޭގެ ހުރިހާ އަތޮޅުތަކަށް ދިނުމެވެ.