އިސްލާމީ މަރުކަޒުގެ ގޯތިތެރެއަށް ބޮޑު ކަމުދިޔަ އިންޑިއާ މީހާ ބަންދުން ދޫކޮށްލައިފިއެވެ.
މިދިޔަ ހުކުރު ދުވަހުގެ ރޭގެ ވަގުތެއްގައި އިސްލާމީ މަރުކަޒުގެ ގޯތިތެރެއަށް ބޮޑުކަމު ދިޔުމުގެ މައްސަލަ ފުލުހުންނަށް ރިޕޯޓުކުރުމާއި އެކު ފުލުހުން އެމީހާ ހައްޔަރުކުރިއެވެ. މި މައްސަލާގައި ހައްޔަރުކުރީ އުމުރުން 40 އަހަރުގެ އިންޑިއާ ފިރިހެނެއްކަމަށްވެސް ފުލުހުންވަނީ ހާމަކޮށްފައެވެ.
މީގެ ކުރިންވެސް މިފަދަ މައްސަލަތަކެއްވަނީ ފެންމަތިވެފައެވެ. މިސްކިތުގެ ހުރުމަތް ކަނޑާލުމަށް ކުޑަކަމުދިޔުމާއި މިސްކިތައް ކުޅުޖެހުންފަދަ މައްސަލަތަކިުގައިވެސް މީގެ ކުރިން މީހުން ވަނީ ހައްޔަރުވެސް ކުރެވިފައެވެ.
މިފަދަ މައްސަލަތަކުގައި އެދެވޭ ފަދަ ފިޔަވަޅެއް ނޭޅި، ހައްޔަރުކުރާ މީހުންނަކީ ނަފުސާނީ ބަލި މީހުންކަމަށް ބުނެ އެ މީހުން އަނބުރާ މުޖުތަމައަށް ދޫކޮށްލާތީ އެކަމާމެދު އާންމުންގެ ފާޑުކިޔުން ފުލުހުންގެ އިދާރާއަށް އަންނަނީ އަމާޒުވަމުންނެވެ.
advertisment