ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ދައްކަވަނީ ހަމަނުޖެހޭ ވާހަކަތަކެއް ކަމަށް މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ސިފަކުރައްވައިފިއެވެ.
ދިވެހިރާއްޖޭގެ ގައުމީ ދުވަސް ފާހަގަކުރުމުގެ މުނާސާބަތުގައި ބޮޑު ތަކުރުފާނަކީ، ދިވެހި އަސްކަރިއްޔާގެ ދާއިމީ ކޮމާންޑާރ އިން ޗީފްކަމަށް ރައީސް ސާލިހު ވިދާޅުވެފައިވާކަމަށް ފާހަގަކުރައްވާ އިމްތިޔާޒްވަނީ، ރާއްޖޭގައި ކުރިމަތިވާ ނުރައްކާތެރި ބޮޑެތި މައްސަލަތައް ހައްލު ކުރެވިފައިނުވާ ސަބަބަކީ ރައީސް ސާލިހުކަމަށް އިޝާރާތްކުރައްވާފައެވެ.
އިމްތިޔާޒް ވިދާޅުވީ، މީގެ ދުަސްތަކެއް ކުރިން އެމަނިކުފާނުވަނީ ސިފައިންގެ އަހަރީ ދުވަސް ފާހަގަކުރުމުގެ ތެރެއިން ރާއްޖޭގެ ކޮމާންޑް އެންޑް ކޮންޓްރޯލް އަބަދުވެސް އޮންނަންވާނީ މިލިޓަރީގެ އަތްމަތީގައިކަމަށް ވިދާޅުވެފައިކަމަަށެވެ.
ރައީސް ސާލިހު ވިދާޅުވި ބަސްތަކަށް ފާޑުކިޔުންތަކެއް އަމާޒު ކުރައްވާ އިމްތިހާޒްވަނީ ރައްޔިތުން ބާރުވެރި ކުރުވަންޖެހޭކަމަށް އިޝާރާތްކުރައްވާފައެވެ. އަދި މިލިޓަރީގެ ބަދަލުގައި ރައްޔިތުން ބާރުވެރި ކުރުމުގެ އުސޫލެއް ދިވެހިރާއްޖޭގައި ނުގެންގުޅެނީތޯވެސް އެނާ ސުވާލުކުރެއްވިއެވެ.
ނުރައްކާތެރި ބޮޑެތި މައްސަލަތަކަށް ޙައްލެއް ނުލިބި މިދަނީ މި ސަބަބާ ހުރެބާ؟
ކުރިން ދުވަހެއްގައި ވެސް ވިދާޅުވާ އަޑުއެހިން "ކޮމާންޑް އެންޑް ކޮންޓޯލް އަބަދުމެ އޮންނަންވާނީ މިލިޓަރީގެ އަތްމަތީގައި"ކަމަށް.
ސިވިލިއަން ކޮންޓްރޯލް އޯވަރ ދަ މިލިޓަރީ ގެ ޑޮކްޓަރިން ރާއްޖޭގައި ނެތީބާ؟ https://t.co/BbkonL6fTX
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) September 27, 2022
އިމްތިހާޒް ފަހުމީގެ އިތުރުން މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދުވެސް ވަނީ ރައީސް ސާލިހަށް ފާޑުކިޔުންތަކެއް އަމާޒު ކުރައްވާފައެވެ. ވަހީދު ވިދާޅުވީ، ކޮވިޑްގެ ދަތި ދުވަސްވަރުގައިވެސް ރައީސް ސާލިހުވަނީ އެމަނިކުފާނުގެ ކޮންޓްރޯލެއް ނެތްކަމުގެ އިޝާރާތްތަކެއް ކުރައްވާފައިކަމަށެވެ.
ކޮވިޑްގެ ހާލަތުން އަރައިގަތުމަށް އެންމެ ފަހު ބަސް ބުނާނީ ސިއްހީ ދާއިރާގެ ބޭފުޅުންކަމަށް ރައީސް ސާލިހު ވިދާޅުވިކަމަށް ފާހަގަކުރައްވާ ވަހީދު ވިދާޅުވީ، ކުރިމަތިވާ ކަމެއްގައި މާހިރުންގެ ލަފާ ހޯދުން ނުތަ މަޝްވަރާތަކެއް ކުރުމަކީ ވަކި ކަމެއް ކަމަށެވެ. އަދި ގައުމުގެ ކަންކަމުގައި ފަހު ބަސް ބުނުމުގެ އިހުތިޔާރު ދިނުމާއި އެކަމާއި މުޅިން ތަފާތުކަމަށް ވަހީދު ފާހަގަކުރެއްވިއެވެ.
advertisment