ލ ގަމުގެ މަގުތައް ޒަމާނީ ފެންވަރަށް ތަރައްގީ ކުރުމަށް ރޯޑް ޑިވޮލަޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްފިއެވެ.
ހައުސިންގ މިނިސްޓްރީގައި ކުރިއަށް ދިޔަ ރަސްމިއްޔާތުގައި މިނިސްޓްރީގެ ފަރާތުން އެއްބަސްވުމުގައި ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝަނާ ފާރޫގް އެވެ. އާރުޑީސީގެ ފަރާތުން ސޮއި ކުރެއްވީ މެނޭޖިންގ ޑައިރެކްޓަރ މޫސާ އަކި މަނިކު (މޫކޭ) އެވެ.
މި މަޝްރޫއުގެ ދަށުން 4.5 ކިލޯ މީޓަރުގެ މަގުގައި ތާރު އެޅުމާއި ފެންހިންދާ ނިޒާމް ގާއިމް ކުރުމުގެ އިތުރުން މަގު ބައްތި ހަރުކުރުން ހިމެނެއެވެ.
މި މަޝްރޫއަކީ 104 މިލިއަން ރުފިޔާގެ މަޝްރޫއެކެވެ.
މި މަސައްކަތް ހަވާލުކުރެވިފައިވަނީ 600 ދުވަސް ތެރޭގައި ނިންމުމަށެވެ.
advertisment