ރާއްޖޭގެ އިގްތިސާދު ދަނީ ބާރަށް ކުރިއަރަމުން ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.
އަމީރު ވިދާޅުވީ އައިއެމްއެފްގެ ސްޓާފް ވިޒިޓަށް ފަހު ނެރެފައިވާ ޕްރެސްރިލީޒްގައި ފާހަގަކޮށްފައިވާ ގޮތުގައި ރާއްޖޭގެ އިގްތިސާދު ދަނީ ރަނގަޅުވަމުން ކަމަށެވެ. އަދި އެކަމަކީ ކޮވިޑްގެ ބަލިމަޑުކަމުން އަރައިގަތުމަށް އެޅި ހާލަތާ ބައްދަލު ފިޔަވަޅުތަކާއި ސަރުކާރުގެ އިގްތިސާދީ ސިޔާސަތުގެ ނަތީޖާގެ ގޮތުގައި އަމީރު ވަނީ ސިފަކުރައްވާފައެވެ.
އައިއެމްއެފް ގެ ސްޓާފް ވިޒިޓަށް ފަހު ނެރެފައިވާ ޕްރެސް ރިލީޒްގައި ފާހަގަކޮށްފައިވާ ގޮތަށް ރާއްޖޭގެ އިގުތިސާދު ދަނީ ބާރަށް ކުރިއަރަމުން. މިއީ ކޮވިޑް ގެ ބަލިމަޑުކަމުން އަރައިގަތުމަށް އެޅި ހާލަތާ ބައްދަލު ފިޔަވަޅުތަކާއި ސަރުކާރުގެ އިގުތިސާދީ ސިޔާސަތުގެ ނަތީޖާ. (1/4)
— Ibrahim Ameer (@iameeru) January 2, 2023
އަމީރު އިތުރަށް ވިދާޅުވި ގޮތުގައި ދިވެހި ރާއްޖޭގެ އިގްތިސާދު މިވަނީ ކޮވިޑްގެ ބަލިމަޑުކަމުގެ ކުރިން އޮތް ހިސާބަށް އަނބުރާ ރުޖޫއަވެފައި ކަމަށެވެ. އެގޮތުން 2022 ވަނަ އަހަަރަށް ސަރުކާރުން އަމާޒު ހިފި 1.6 މިލިއަން ފަތުރުވެރިޔާ ވަނީ ރާއްޖެ އަށް ޒިޔާރަތްކޮށްފައިކަމަށެވެ. އަދި މިއަހަރު 1.8 މިލިއަން ފަތުރުވެރިން ރާއްޖެ ޒިޔާރަށް ކުރާނެ ކަމަށް ލަފާކުރެވޭ ކަމަށްވެސް އަމީރު ވަނީ ވިދާޅުވެފައެވެ.
ދިވެހި އިގުތިސާދު މިވަނީ ބަލިމަޑުކަމުގެ ކުރިން އޮތް ހިސާބަށް އަނބުރާ ރުޖޫއަވެފަ. 2022 ވަނައަހަރަށް އަޅުގަނޑުމެން އަމާޒު ހިފި 1.6 މިލިއަން ފަތުރުވެރިން މިހާރު ވަނީ ރާއްޖެ ޒިޔާރަތްކޮށްފަ. މިއަހަރު 1.8 މިލިއަން ފަތުރުވެރިން ރާއްޖެ ޒިޔާރަތްކުރާނެކަމަށް ލަފާކުރެވޭ. (2/4)
— Ibrahim Ameer (@iameeru) January 2, 2023
އއަމީރު ވިދާޅުވީ އިގްތިސާދީ މި ދަތި ދަނޑިވަޅުން އަރައިގަތުމަށް ކޮންމެހެން ނިންމަންޖެހޭ ނިންމުންތައް ރައީސް އިބްރާހިމް މުހައްމަދު ސާލިހު ނިންމަވަނީ އޭގެން ސިޔާސީ މަންފާއެއް ހޯއްދަވަން ނޫންކަމަށެވެ.
ރައީސް އިބްރާހިމް މުހައްމަދު ސާލިހު އަބަދުވެސް އިސްކުރައްވަނީ ގައުމާއި ރައްޔިތުންގެ ލާބައާއި މަންފާ ކަމަށް ވެސް އަމީރު ވިދާޅުވިއެވެ.
ކައިރި ޤައުމުތަކުން އަޅުގަނޑުމެންނަށް, ފެނިގެންދާ ހަޤީޤަތަކީ, ސިޔާސީ ބާރުވެރިކަން ހޯދުމަށް ކުރެވޭ މަސައްކަތުގައި, އިޤްތިސާދީ ސިޔާސަތުތައް "ކޮމްޕްރޮމައިޒް"ވުމުން, އޭގެ ބޮޑު ގެއްލުމާއި ދެރަ އުފުލަންޖެހެނީ ވަރަށް ހިތިކޮށްކަން. (4/4)
— Ibrahim Ameer (@iameeru) January 2, 2023
ކައިރި ގައުމުތަކުން ފެނިގެންދާ ހަގީގަތަކީ ސިޔާސީ ބާރުވެރިކަން ހޯދުމަށް ކުރެވޭ މަސައްކަތުގައި އިގްތިސާދީ ސިޔާސަތުތައް ކޮމްޕްރޮމައިޒް ވުމުން އޭގެ ބޮޑު ގެއްލުމާއި ދެރަ އުފުލަންޖެހޭ ތަން ކަމަށާއި އެކަން ތަހައްމަލު ކުރަންޖެހެނީ ވަރަށް ހިތިކޮށް ކަމަށް އަމީރު ވިދާޅުވިއެވެ.
