ދ. މާނބޫދޫ ސްކޫލުގެ މަލްޓި ޕާޕާސް ހޯލު އިމާރާތުގެ ނުނިމި ހުރި މަސައްކަތް ކުރިޔަށް ގެންދިއުމަށް ކުންފުންޏަކާއި ހަވާލުކޮށްފި އެވެ.
މި މަސައްކަތް ހަވާލުކޮށްފައި ވަނީ، ސްވިފްޓް އިންޖީނިއަރިން ޕްރައިވެޓް ލިމިޓެޑާއި އެވެ. އެކަމަށް ހާއްސަކޮށް އޮތް ރަސްމިއްޔާތުގައި މިނިސްޓްރީގެ ފަރާތުން ސީނިއާރ ޕޮލިސީ ޑިރެކްޓާރ މޫސާ ނައީމް ސޮއި ކުރެއްވއިރު ސްވިޓް ކުންފުނީގެ ފަރާތުން ސޮއި ކުރެއްވީ ކުންފުނީގެ ޑިރެކްޓަރު އަހުމަދު ރަމީޒެވެ.
މި މަސައްކަތް އެ ކުންފުންޏާއި ހަވާލު ކުރީ 365 ދުވަހުގެ ތެރޭގައި ނިންމާ ގޮތަށް، 10.94 މިލިއަން ރުފިޔާއަށެވެ.
ސްކޫލުގެ ނުނިމި ހުރި މަސައްކަތް ނިންމުމަށް ކުންފުންޏަކާއި ހަވާލު ކުރިއިރު މީގެ ކުރިން ތަފާތު އެކި ފަހަރު މަތީން ޕްރޮޖެކްޓު އެކި ކުންފުނިތަކާއި ހަވާލު ކުރި އެވެ.