ވެރިކަމުގެ ދަހިވެތިކަމުގައި ބަޔަކު މީހުން މަސައްކަތްކުރަމުންދަނީ ގައުމުގެ އިގްތިސާދު ފުނޑާލަންކަމަށާއި، އެކަން ކުރަމުންދަނީ ކޮން ބައެއްކަން ރައްޔިތުންނަށް ސާފުވާނެކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ގައުމުގެ އިގްތިސާދު ނެތިކޮށްލުމަށް ބަޔަކު މީހުން މަސައްކަތްކުރަމުންދާކަމަށް ފާހަގަކުރައްވާ ކަންބޮޑުވުން ފާޅުކުރައްވާ ޝަރީފް ވިދާޅުވީ، ކޮވިޑް 19ގެ ދަތި ދުވަސްވަރު، ރައްޔިތުންނަށް ބަލާލުމެއް ނެތި، ބަޔަކު މީހުންވަނީ ގައުމު ބަނގުރޫޓުކޮށްލުމަށްޓަކައި މަޖިލީހުގެ ތެރޭގައި “ގަދަ ފައި” ވިއްދައި މަސައްކަތްތަކެއް ކޮށްފައިކަމަށެވެ.
އެނާ ވިދާޅުވީ، ވިސްނާ ކޮންމެ ރައްޔިތަކަށްވެސް އެކަން ކުރަން މަސައްކަތް ކުރީ ކޮން ބައެއްކަން ސާފުވާނެކަމަށެވެ. އަދި ކުރިމަތިވެގެންދިޔަ ސިއްހީ ކާރިސާ އާއި އިގްތިސާދީ ކާރިސާގެ ތެރެއިން ގައުމު ސަލަމާތް ކުރުމަށް މަސައްކަތްކުރީ ކޮން ބައެއްކަމާއި، އެކަން ކުރީ ކޮން ބޭފުޅެއްގެ ބެލުމުގެ ދަށުންކަންވެސް ސާފުވާނެކަމަށް ޝަރީފް ވިދާޅުވިއެވެ.
kon bayeh kaakuge leadership ge dhashunkan gaumu dheke loabivaa gaumaa rayyirhunnah heyo edhey komme meehakah varah saafu.Verikamuge dhahivethi kamuga gaumu ge iguthisaadhu fudaalan masakaiy kuree adhi kuramun dhanee konbayehkan ves saafu. Ehenve 61% ahvuren mathin 2/3
— Ibrahim Shareef (@AdduShareef) February 12, 2023
އެނާ ވިދާޅުވީ، ގައުމުގެ އިގްތިސާދު ފުނޑާލުމަށް ބަޔަކު މީހުން މަސައްކަތްކޮށްފައިވަނީ އަދި ކުރަމުންދަނީ ވެރިކަމުގެ ދަހިވެތިކަމުގައިކަމަށެވެ. އަދި 61 އިންސައްތައާއިއެކު، ރައީސް ސާލިހަށް ޕްރައިމަރީ ކާމިޔާބު ކުރެއްވުނީ، އެކަން ކުރަމުންދަނީ ކޮން ބައެއްކަން ރައްޔިތުންނަށް އެނގޭތީކަމަށް އެނާ ވިދާޅުވިއެވެ.
އެނާ ވިދާޅުވީ، ޕްރައިމަރީގައި ލިބިގެންދިޔަ ކާމިޔާބީ އާއިއެކު ކުރިމަތިވި އެންމެ ބޮޑު ގޮންޖެހުން ގިރާ ކުރެވުނީކަމަށެވެ. އަދި ކުރިއަށް އޮތް ރިޔާސީ އިންތިހާބު ޕްރައިމަރީއަށްވުރެ ފަސޭހަވާނެކަމަށާއި، ރައްޔިތުން ރައީސް ސާލިހު ބަލައިގަނެފައިވާކަން ފެންނަން އޮތްކަަމަށް އެނާ ވިދާޅުވިއެވެ.
advertisment