ކްރޮސް ސަބްސިޑަރީ އުސޫލުން މަޑިވަރު އެއާޕޯޓު އިންޓަނޭޝަނަލް ކުރަނީ!

ބަދަލުގައި ރަށެއް ދޭގޮތަށް، ކްރޮސް ސަބްސިޑަރީ އުސޫލުގެ ދަށުން ޅ. އަތޮޅު މަޑިވަރު އެއާޕޯޓު ތަރައްގީ ކުރުމަށް ހުޅުވާލައިފި އެވެ.

އިންޓަނޭޝަނަލް އެއާޕޯޓެއްގެ ގޮތުގައި، މަޑިވަރު އެއާޕޯޓު ތަރައްގީ ކުރުމަށްޓަކައި ވާންޖެހޭ ތައްޔާރީތައް ވަމުންދާކަން މިދިޔަ އަހަރު ސަރުކާރުން ހާމަކޮށްފައި ވެއެވެ. އެ މަސައްކަތްތަކުގެ ދަށުން، ބަދަލުގައި ރަށެއް ދޭގޮތަށް ހުޅުވާލާފައި ވަނީ ރައީސް އިބްރާހިމް މުހައްމަދު ސޯލިހު ހުށަހެޅުއްވި ގަރާރެއްގެ ދަށުންނެވެ.

އެ މަޝްރޫއުގެ ދަށުން ހަރަދު ކުރަން ޖެހޭނެކަމަށް ބުނާ އެންމެ ދަށް އަދަދަކީ 77 މިލިއަން އެވެ.

މަޑުވަރު އެއާޕޯޓު ތަރައްގީ ކުރުމަށް ހުޅުވާލިއިރު، މިއީ ޖުމްލަ 11 މިލިއަން ޑޮލަރު ނުވަތަ ދިވެހި ފައިސާއިން ބަލާނަމަ 170 މިލިއަން ޑޮލަރު ހަރަދުކޮށްގެން 1.2 ކިލޯ މީޓަރުގެ ރަންވޭއަކާއި އެކު ތަރައްގީ ކުރި ތަނަކެވެ. އެއާޕޯޓު ހުޅުވިތާ އަހަރެއް ވީއިރު ތަނުގެ ހިދުމަތުގެ ޝަކުވާތައް އޮތީ އިންތިހާއަށް ބޮޑުވެފައެވެ.