ރައީސުލްޖުމްހޫރިއްޔާ ޑރ. މުހައްމަދު މުއިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު، އިންޑިއާއަށް ކުރައްވާ ފުރަމާނަ ދަތުރުފުޅެއްގައި ފުރާވަޑައިގެންފިއެވެ.
ރައީސްގެ ދެކަނބަލުން މިހިނގާ އޮކްޓޯބަރުމަހުގެ 6 އިން 10 އަށް ކުރައްވާ މި ދަތުރުފުޅަކީ އިންޑިއާގެ ރައީސް ދުރޫޕަދީ މުރުމޫގެ ދަޢުވަތަކަށް ކުރައްވާ ދަތުރުފުޅެކެވެ. މި ދަތުރުފުޅުގައި އިންޑިއާގެ ރައީސް ދުރޫޕަދީ މުރުމޫ އާއި ބޮޑު ވަޒީރު ނަރެންދްރަ މޯދީ، އަދި އެ ޤައުމުގެ އިސް ވެރިންނާ ބައްދަލުކުރެއްވުމަށް ވަނީ ހަމަޖެހިފައެވެ.
މި ބައްދަލުވުމުގެ ތެރޭގައި އިންޑިއާ އާއި ރާއްޖެއާއ ދެމެދު އޮތް ހާރިޖީ ގުޅުން އިތުރަށް ވަރުގަދަވެ ދެގައުމުގެ ދެމެދު މުހިންމު ކަންކަމާމެދު މަޝްވަރާ ކުރައްވާނެ ކަމަށް ފާހަގަކުރެެވެއެވެ. މި ބައްދަލުވުމުގެ ތެރޭގައި ރާއްޖެއަށް ދުކޯށްފައިވާ ލޯނުތަކަށް ލުއި ގޮތްތަކެއް ހަމަޖެހިގެންދާނެ ކަމަށް ލާފަކުރެވެއެވެ.
މިއީ މިދިޔަ ނޮވެމްބަރު މަހު ރައީސް މަޤާމާ ހަވާލުވެވަޑައިގަތުމަށްފަހު އިންޑިއާއަށް ކުރައްވާ ފުރަތަމަ ފުރަމާނަ ދަތުރުފުޅެވެ.
