ކޯވިޑް-19 އާއި ގުޅިގެން ދިވެހިރާއްޖޭގައި ކަރަންޓީނު ކުރެވުނު ދެ މީހަކު، ފުރައިގެންދިޔަފަހުން ކޮރޯނާ ވައިރަސްއަށް ޕޮޒިޓިވްވެއްޖެއެވެ.
މިއަދު ކުރިއަށްދިޔަ ނޫސްވެރިންގެ ބައްދަލުވުމުގައި، ހެލްތު މިނިސްޓަރ ޢަބްދުﷲ އަމީން ވިދާޅުވީ، ޕޮޒިޓިވްވެފައިވަނީ އިޓަލީ ދެ މީހުންކަމަށެވެ.
މީގެ ކުރިން ވެސްވަނީ، އިޓަލީއަށްދިޔަ ފަތުރުވެރިއަކު ކޮރޯނާ ވައިރަހަށް ޕޮޒިޓިވްވެފައެވެ. އަދި އެންމެ ފުރަތަމަ ދިވެހިރާއްޖެއިން ކޮރޯނާ ވައިރަހަށް ޕޮޒިޓިވްވި13 މީހުންގެ ތެރެއިން 8 މީހުންނަކީ އިޓަލީވިލާތަށް ނިސްބަތްވާމީހުންނެވެ.
އިޓަލީވިލާތުގެ ދެ ފަތުރުވެރިން އެނބުރި ޤައުމަށް ދިޔަ ފަހުން ކޮރޯނާ ވައިރަހަށް ޕޮޒިޓިވްވެފައިވާއިރު ރޭ 12:00 އިން ފެށިގެން ދިވެހިރާއްޖޭގެ މައި ވައިގެ ބަނދަރުވަނީ ބަންދުކޮށްފައެވެ. އެގޮތުން މިހާރު އެއްވެސް ބިދޭސީއަކަށް ރާއްޖެ އެތެރެނުވެވޭނެ ކަމަށް ސަރުކާރުން ވަނީ ބުނެފައެވެ.
