ރ. ވާދޫ ސްކޫލްގެ ދަރިވަރުންގެ އަޚުލާގީ މައްސަލަތައް ހައްލުކުރުމަށްޓަކައި އެ ރަށު ކައުންސިލުން ހަރުކަށި ފިޔަވަޅުތަކެއް އެޅުމަށް ނިންމައި އާ އުސޫލުތަކެއް އިއުލާނުކޮށްފިއެވެ.
ކައުންސިލުން އެޅި ފިޔަވަޅުތަކުގެ ތެރޭގައި، ބެލެނިވެރިޔަކާ ނުލައި ރޭގަނޑު 21:00 ގެ ފަހުން ސްކޫލް ކުދިން ބޭރުގައި އުޅުން މަނާކުރުން ހިމެނެއެވެ. އަދި މީގެ އިތުރުން އިރުއޮއްސުމަށްފަހު ޕާކުތަކާއި ކުޅިވަރު ކުޅޭ ތަންތަން ބޭނުންކުރުން ވެސް ވަނީ މަނާކޮށްފައެވެ.
ހަމައެއާއެކު، ނަމާދު ވަގުތުތަކުގައި ކުޅިވަރު ހަރަކާތްތައް ހިންގުމާއި، ބެލެނިވެރިޔަކާ ނުލައި ކަނޑުތޮއްޓަށް އެރުމާއި ރަށުން ބޭރަށް ދަތުރުކުރުން ވެސް ދަރިވަރުންނަށް ވަނީ މަނާކޮށްފައެވެ.
ދަރިވަރުންގެ ރައްކާތެރިކަމާއި އަޚުލާގު ރަނގަޅު ކުރުމުގެ ގޮތުން، ކުދިންގެ އުމުރާ ނުގުޅޭ މަސައްކަތް ކުރުވުމާއި، ދުންފަތުގެ އިސްތިއުމާލުކުރުމުގެ އިތުރުން ދުންފަތުގެ ވިޔަފާރި ކުރުން ވެސް ވަނީ މަނާކޮށްފައެވެ.
ވާދޫ ކައުންސިލުން ހާމަކޮށްފައިވާ ގޮތުގައި، މި އެންގުންތަކާއި އުސޫލުތަކާ ޚިލާފުވާ ދަރިވަރުންނާމެދު ހަރުދަނާ ފިޔަވަޅުތަކެއް އަޅަމުން ގެންދާނެ
