ރާއްޖެއިން ކޮވިޑް-19 އަށް ޕޮޒިޓިވްވި މީހުންގެތެރެއިން އިތުރު މީހަކު ނިޔާވެއްޖެއެވެ.
މިި ކަން ހާމަކޮށް ހެލްތު ޕްރޮޓެކްޝަން އެޖެންސީން ބުނީ، މިއަދު ހެނދުނު 6:20 ގައި ހުޅުމާލޭ އައިސޮލޭޝަން ފެސިލިޓީގައި ހުރި މީހަކު ނިޔާވެފައިވާކަމަށެވެ.
މި މީހާއަކީ، ޢުމުރުން 89 އަހަރުގެ ދިވެހި އަންހެނެއްކަމަށް ވެސް އެޗްޕީއޭއިން ބުނެއެވެ.
https://twitter.com/HPA_MV/status/1267692051187011585?s=19
މިއަދު ނިޔާވި މި މީހާއާއެކު، ރާއްޖެއިން މި ބަލި ޖެހިގެން ނިޔާވި މީހުން މިވަނީ 07 އަށް އިތުރުވެފައެވެ. އޭގެތެރެއިން އެކަކު ނިޔާވެފައިވަނީ ހޯމަދުވަހުކަމަށާއި، 54 އަހަރުގެ އެ މީހާއަކީ ބަންގްލަދޭޝްގެ ރައްޔިތެއްކަމަށް އެޗްޕީއޭއިން ހާމަކޮށްފައިވެއެވެ. މީގެ އިތުރުން ކޮވިޑް ބަލީގައި ނިޔާވި މީހުންގެތެރޭގައި ހިމެނެނީ، 83 އަހަރުގެ ދިވެހި އަންހެނަކާއި، 80 އަހަރުގެ ދިވެހި ފިރިހެނަކާއި، 88 އަހަރުގެ ދިވެހި ފިރިހެނަކާއި
33 އަހަރުގެ ބަންގްލަދޭޝް ފިރިހެނެއްގެ އިތުރުން، 45 އަހަރުން ބަންގްލަދޭޝް ފިރިހެނެކެވެ.
