ރައްޔިތުންގެ މަޖިލީހަށް މިނިވަން މެމްބަރެއްގެ ގޮތުގައި އިންތިހާބުވެ ވަޑައިގެންނެވި ވިލިގިނލީ ދާއިރާގެ މެމްބަރު ސައުދު ހުސެއިން ސަރުކާރު ހިންގާ މައި ޕާޓީ އެމްޑީޕީއާ ގުޅިވަޑައިގެންފިއެވެ.
ސައުދު އެމްޑީޕީއާ ގުޅިވަޑައިގެންފައިވާކަން ރަސްމީކޮށް އިއުލާން ކުރެއްވި ރައްޔިތުންގެ މަޖިލީހުގެ މިއަދުގެ ޖަލްސާގައި މަޖިލީހުގެ ރައީސް ރައީސް މުހައްމަދު ނަޝީދުއެވެ.
ރިޔާސަތުން ދަންނަވާ ކަންކަން އިއުލާން ކުރައްވަމުން ރައީސް ނަޝީދު ވިދާޅުވީ މަޖިލީހުގައި މިނިވަން މެމްބަރެއްގެ ގޮތުގައި ހުންނެވި ވިލިގިނލީ ދާއިރާގެ މެމްބަރު އެމްޑީޕީއާ ގުޅިވަޑައިގެންފައިވާކަން އަންގާ މަޖިލީހުގެ ގަވާއިދުގައި ބުނެފައިވާ ގޮތުގެ މަތިން ސައުދު އެމްޑީޕީއާ ގުޅިވަޑައިގެންނެވި ކަމުގެ ލިޔުންތައް ލިބިފައިވާ ކަމަށެވެ.
ސައުދު އެމްޑީޕީއާ ގުޅިވަޑައިގަތުމުން އެމްޑީ÷ީގެ މަޖިލިސް މެމްބަރުންގެ އަދަދު 66 އަށް ބަދަލުވީއެވެ.
