ތިލަފުށީގައި ދިމާވެފައިވާ ފެނުގެ މައްސަލައަށް ވީ އެންމެ އަވަހަކަށް ހައްލުކޮށް ހިދުމަތްތައް ދިނުމަށް މަސައްކަތްކުރަމުންދާކަމަށް އެމްޑަބްލިއުއެސްސީ އިން ބުނެފިއެވެ.
ތިލަފުށީގައި ފެނުގެ މައްސަލައެއް ދިމާވެފައިވަނީ އެމްޑަބްލިއުއެސްސީއިން އެ ރަށަށް ހިދުމަތްތައް ދިނުމަށް ގާއިމުކޮށްފައިވާ ޓޭންކުތަކުގެ ތެރެއިން ޓޭންކެއް ފަޅައިގެން ދިއުމުގެ ސަބަބުންނެވެ. އަދި އެކަމުގެ ސަބަބުން އެ ރަށުގައި ދިރިއުޅެމުންދާ ރައްޔިތުންނަށްވަނީ ފެނުގެ ހިދުމަތްތައް ލިބިގަތުމުގައި ދަތިތައް ކުރިމަތިވެފައެވެ.
އެމްޑަބްލިއުއެސްސީއިން ބުނެފައިވާގޮތުން، ފެނުގެ ހިދުމަތްތައް މެދު ކެނޑިފައި އޮތީ ދިމާވި މައްސަލައިގެ ސަބަބުންނެވެ. އެހެންނަމަަވެސް އެ ކުންފުނީގެ ޓީމަކުން މިހާރު މަސައްކަތްކުރަމުންދަނީ ހިދުމަތްތައް ފޯރުކޮށްދިނުމަށްކަމަށާއި، ވީ އެންމެ އަވަކަށް މައްސަލަ ހައްލުކޮށް ފެނުގެ ހިދުމަތްތައް ދޭން މަސައްކަތް ކުރަމުންދާކަމަށް ބުނެފައިވެއެވެ.
