މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އެމްޑަބްލިއުއެސްސީން އަމިއްލަ އިސްނެގުމަށް ހާމަކުރަންޖެހޭ ހުރިހާ މައުލޫމާތެއް ހާމަކޮށްފިއެވެ.
އިންފޮމޭޝަން ކޮމިޝަނަރުގެ އޮފީސް، އައިކޮމްއިން ވަނީ މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އަމިއްލަ އިސްނެގުމުގައި ހާމަކުރަން ލާޒިމުކުރާ ހުރިހާ މައުލޫމާތެއް އެބްޑަބްލިއުއެސްސީން ހާމަކޮށްފައިވާތީ އެކަމަށް ޓަކައި އެ ކުންފުންޏަށް މަރުހަބާ ކިޔައިފައެވެެ.
އައިކޮމްއިން ބުނެފައިވާ ގޮތުގައި، މިއީ އެ ގާނޫނުގެ ދަށުން އަމިއްލަ އިސްނެގުމަށް ހާމަކުރަންޖެހޭ މައުލޫމާތުތައް އާންމުކުރި ދައުލަތުގެ ފަސްވަނަ ކުންފުންޏެވެ. އަދި މުޅި ރާއްޖޭގެ ހުރިހާ ދައުލަތުގެ އިދާރާތަކުގެ ތެރެއިން 42 ވަނަ އިދާރާއެވެ.
މައުލޫމާތު ހޯދައި ލިބިގަތުމުގެ ގާނޫނަށް އަމަލުކުރަން ފެށި ފަހުން ފުރަތަމަ ފަހަރަށް ސަރުކާރުގެ ވުޒާރާތަކުން އަމިއްލަ އިސްނެގުމަށް ހާމަކުރަންޖެހޭ މައުލޫމާތުތައް ފުރިހަމައަށް ހާމަކޮށްފައިވަނީ މިދިޔަ ޖޫން މަހުގެ ތެރޭގައެވެ.
