ރޭ ފުލުހުން މާލެތެރެ ޕެޓްރޯލް ކުރަމުންދަނިކޮށް ދަންވަރު 1.03 ހާއިރު، ގަޑީބުރު ކައިރިން ބާރު ސްޕީޑްގައި ދުއްވާފައި ދިޔަ ސައިކަލެއް ނަލަހިޔާ ކައިރިން އެހެން ސައިކަލެއްގައި ޖެހި އެކްސިޑެންޓް ވެއްޖެއެވެ.
ފުލުހުން ބުނީ ބާރު ސްޕީޑްގައި ދުއްވާފައި ދިޔަ ސައިކަލު ހުއްޓުމަށް ފުލުހުން އެންގި ނަމަވެސް މަޑުނުކޮށް ގޮސް އެކްސިޑެންޓްވީ ކަމަށެވެ.
ފުލުހުން ވަނީ އެކްސިޑެންޓް ވުމުންވެސް ސައިކަލު މަޑުނުކޮށް ދާން މަސައްކަތް ކުރިއިރު ސައިކަލު ދުއްވަން ތިބި ދެމީހުން ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
ސައިކަލު ދުއްވާފައިވަނީ ލައިސަންސް ނެތް މީހެއް ކަމަށް ފުލުހުން ވަނީ ބުނެފައެވެ.
މައްސަލަ އިތުރަށް ތަހުގީގް ކުރަމުންދާ ކަމަށް ފުލުހުން ވަނީ ބުނެފައެވެ.