ދިވެހި ފުލުހުންގެ މުއައްސަސާގައި މަސައްކަތް ކުރާ ފުލުހުންގެ މުސާރަށް 35 އިންސައްތައަށް ބޮޑުކޮށްފިއެވެ.
މިކަމާއި ގުޅިގެން މައުލޫމާތު ދެއްވަމުން ޗީފް ސްޕްރިންޓެންޑެންޓް އޮފް ޕޮލިސް އަހުމަދު ޝިފާން ވިދާޅުވީ މި ބަދަލު މި މަހުން ފެށިގެން އަންނާނެކަމަށެވެ.
އަލަށް އެކުލަވާލި ސްޓްރަކްޗާގައި ބޭސިލް ސެލެރީގެ އިތުރުން، މަގާމުގެ އެލަވަންސްއާއި، ކުރާ މަސައްކަތުގެ އެލެވަންސް ހިމެނެއެވެ.
މިއީ 2009 ގެ ފަހުން ފުލުހުންގެ މުސާރަ ބޮޑުކުރެވުނު ފުރަތަމަ ފަހަރުކަން ޝިފާން ފާހަގަކުރެއްވިއެވެ.
މިއީ ރައީސުލްޖުމްހުރިއްޔާ ޑރ. މުހައްމަދު މުއިއްޒުގެ ރިޔާސީ ވައުދެކެވެ. ފުލުހުންނާއި ސިފައިންގެ މުސާރަ ދެ ގުނައަށް ބޮޑު ކުރާނެކަމަށް ރައީސް މުއިއްޒު ވައުދުވެވަޑައިގެންނެވިއެވެ.